ଓଲଟିବାରୁ ଅଳ୍ପକେ ବର୍ତ୍ତିଲା ବୋଲେରୋ

ଭଦ୍ରକ(ବଡ଼ ଖବର ବ୍ୟୁରୋ): ଆରମ୍ଭ ହୋଇଛି ‘ୟାଶ’ର ଲ୍ୟାଣ୍ଡଫଲ ପ୍ରକ୍ରିୟା । ଆଗରୁ ଏହା ଭଦ୍ରକ ଧାମରାରେ ଲ୍ୟାଣ୍ଡଫଲ କରିବାକୁ ଥିବା ବେଳେ ଏବେ ବାଲେଶ୍ୱରରେ କରିବ ବୋଲି ପାଣିପାଗ ବିଭାଗ ତରଫରୁ ସୂଚନା ଦିଆଯାଇଛି । ତେବେ ଏହାର ପ୍ରଭାବ ଭଦ୍ରକରେ କାଲିଠାରୁ ଭୟଙ୍କର ଭାବେ ଆରମ୍ଭ ହୋଇଯାଇଛି । ପବନର କ୍ଷୀପ୍ରତା ଏତେ ରହିଛି ଯେ, ଏକ ବୋଲେରୋ ଓଲଟି ଯାଉ ଯାଉ ଅଳ୍ପକେ ବର୍ତ୍ତିଛି । ଭଦ୍ରକ ପୌରପାଳିକା ୧୮ନମ୍ବର ୱାର୍ଡ଼ରେ ଦେଖିବାକୁ ମିଳିଛି ଏଭଳି ଦୃଶ୍ୟ ।

ତେବେ ବୋଲେରୋ ଡ୍ରାଇଭର ସୁରକ୍ଷିତ ଥିବା ଜଣାପଡ଼ିଛି । ବର୍ଷା ଯୋଗୁ ରାସ୍ତାରେ ପାଣି ଜମିଥିଲା । ରାସ୍ତା ଜାଣି ନପାରିବା କାରଣରୁ ଏପରି ଘଟିଥିବା କୁହାଯାଉଛି । ତେବେ ସକାଳ ୯ଟାରୁ ବାତ୍ୟାର ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ ହୋଇଛି । ଭଦ୍ରକ ଓ ବାଲେଶ୍ୱରରେ ପ୍ରବଳରୁ ଅତିପ୍ରବଳ ବର୍ଷା ହେବ । ସେହିପରି ମୟୁରଭଞ୍ଜରେ ମଧ୍ୟ ବାତ୍ୟାର ପ୍ରଭାବ ଦେଖିବାକୁ ମିଳିବ ।