ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଦାନୀ ଗ୍ରୁପ ମାମଲାରେ ସଂସଦରେ ଝଡ଼ । ଆଦାନୀ ମାମଲାକୁ ବିରୋଧ କରି ଉଭୟ ଗୃହରେ ହଟ୍ଟଗୋଳ । ସଂସଦରେ ବିରୋଧି ହଙ୍ଗାମା କରିବା ସହିତ ଏହି ପ୍ରସଙ୍ଗରେ ସଂସଦୀୟ କମିଟି ଗଠନ କରିବାକୁ ଦାବି କରିଥିଲେ । ସେପଟେ ଶାସକ ଦଳ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଆଲୋଚନା କରିବାକୁ ଦାବି କରିଥିଲେ । ହଟ୍ଟଗୋଳ ପରେ ଉଭୟ ଗୃହକୁ ୨ ଟା ପର୍ଯ୍ୟନ୍ତ ମୁଲତବି ରଖାଯାଇଛି । ବିରୋଧୀ ସାଂସଦମାନେ ସଂସଦ ପରିସରରେ ଥିବା ଗାନ୍ଧୀ ପ୍ରତିମୂର୍ତ୍ତି ତଳେ ବିକ୍ଷୋଭ ପ୍ରଦର୍ଶନ କରିଛନ୍ତି । ମାମଲାର ଜେପିସି କିମ୍ବା ସୁପ୍ରିମକୋର୍ଟଙ୍କ ତଦାରଖ ଦାବି କରିଛନ୍ତି ।
