ବିପଦ ସଂକୁଳ ଅବସ୍ଥାରେ ଭଉଁରିଆ ସେତୁ
ଅସ୍ତରଙ୍ଗ (ବଡ଼ ଖବର ବ୍ୟୁରୋ): ଦୀର୍ଘ ଚାଳିଶ ବର୍ଷର ପୁରୁଣା ଅସ୍ତରଙ୍ଗ ଭଉଁରିଆ ସେତୁ ବର୍ତ୍ତମାନ ବିପଦ ସଂକୁଳ ଅବସ୍ଥାରେ। ଏହି ସେତୁ ଦେଇ ଅସ୍ତରଙ୍ଗ ବ୍ଲକର ଆଳଙ୍ଗପୁର, ଆଳସାହି , ତାଳଦା, ନଗର , ନଈଗୁଆଁ ଏହି ପାଞ୍ଚଟି ପଞ୍ଚାୟତର ହଜାର ଲୋକ ଏହି ବିପଦ ସଂକୁଳ ଭଉଁରିଆ ସେତୁ ଉପରେ ନିର୍ଭର କରନ୍ତି । ଏହି ସେତୁ ଉପରେ ପ୍ରତିଦିନ ଭାରିଯାନ ଯାତାୟାତ ହେଉଛି । କେତେବେଳେ ଭୁଶୁଡି ଯିବ ତାହା କହିହେଉନାହିଁ ।
ଅନ୍ୟପଟେ ଜନ ସାଧାରଣ ସୁବିଧାରେ ଯିବା ଆସିବା କରିବା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ରାଜକୋଷରୁ କୋଟି କୋଟି ଟଙ୍କା ଖର୍ଚ୍ଚ ହେଉଛି ।କିନ୍ତୁ ସ୍ଥାନୀୟନେତାଙ୍କୁ ଭଉଁରିଆ ସେତୁ ଉପରେ ଲକ୍ଷ ପଡୁନାହିଁ । ଏହି ଭଉଁରିଆ ସେତୁ ଦୀର୍ଘଦିନ ହେବ ଭାଙ୍ଗି ବିପଦ ସଂକୁଳ ଅବସ୍ଥାରେ ରହିଛି । ଏପରିକି ସେତୁଟିର ସାଇଡ ୱାଲ ଭାଙ୍ଗି ଗଲାଣି, ଯାହାକି ସେତୁ ସମ୍ପୂର୍ଣ ଦୁର୍ବଳ ହୋଇଗଲାଣି । ଯାହାକି ବିପଦ ସଂକୁଳ ଅବସ୍ଥା ରେ ରହିଛି । କେତେବେଳେ ଏ ସେତୁ ଭାଙ୍ଗିଯିବ ତାହା ମଧ୍ୟ କହିହେବ ନାହିଁ। ତେଣୁ ଏଥିପ୍ରତି ବିଭାଗୀୟ ଅଧିକାରୀ ଯଥାଶୀଘ୍ର ଦୃଷ୍ଟି ଦେବା ଆବଶ୍ୟକ ।