ବରଯାତ୍ରୀରେ ସାପ ଧରି ନାଚୁଥିଲେ, ମାଡି ବସିଲା ବନ ବିଭାଗ

ଚାନ୍ଦବାଲି (ବଡ଼ ଖବର ବ୍ୟୁରୋ): ବାହାଘର ପ୍ରସେସନ ବେଳେ ନାଗ ସାପ ଧରି ନାଚିବା ଘଟଣା । ଖବର ପାଇ ମାଡିବସିଲା ବନ ବିଭାଗ । ୩ଟି ନାଗସାପ ଉଦ୍ଧାର । ଏମିତି ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଳକ ଉଗ୍ରତରାରେ । ସୂଚନା ମୁତାବକ ଗତକାଲି ରାତିରେ ବାଂଶଡା ଥାନା ଅଧିନ ଛେଡାକରୁ ଏକ ବର ପ୍ରସେସନ ନେଇ ଉଗ୍ରତାର ଅଭିମୁଖେ ବାହାରିଥିଲା ।

ଯେଉଁ ପ୍ରସେସନରେ ଏକ ବ୍ୟାଣ୍ଡ ପାର୍ଟିରେ ୩ ଟି ନାଗ ସାପକୁ ଧରି ଡ୍ୟାନ୍ସ ଚାଲିଥିଲା । ବନ ବିଭାଗ ଏହି ଖବର ପାଇବା ପରେ ବରଗାଡିର ପିଛା କରିଥିଲା । ଶେଷରେ କନ୍ୟା ଘର ପାଖାପାଖି ପ୍ରସେସନ ଚାଲିଥିବା ବେଳେ ମାଡି ବସିଥିଲେ ବନ ବିଭାଗର କର୍ମଚାରୀ । ସାପ ୩ଟିକୁ ଉଦ୍ଧାର କରି ଥିବାବେଳେ ଏହି ଘଟଣାରେ ଏପର୍ୟ୍ୟନ୍ତ କାହାକୁ ଗିରଫ କରାଯାଇ ନାହିଁ ।