ଝାରସୁଗୁଡ଼ାରେ ମୁଖ୍ୟମନ୍ତ୍ରୀ ଓ କେନ୍ଦ୍ରମନ୍ତ୍ରୀଙ୍କ ମଧ୍ୟରେ ଟକ୍କର

ଝାରସୁଗୁଡ଼ା (ବଡ଼ ଖବର ବ୍ୟୁରୋ):  ଉପନିର୍ବାଚନ ପାଇଁ ଚଳଚଞ୍ଚଳ ଝାରସୁଗୁଡ଼ା । ଆସନ୍ତା ୭କୁ ଅପେକ୍ଷା । ସେଦିନ ହେବ ମୁଖ୍ୟମନ୍ତ୍ରୀ ବନାମ କେନ୍ଦ୍ରମନ୍ତ୍ରୀଙ୍କ ମଧ୍ୟରେ ଟକ୍କର। ନିଜ ନିଜ ପ୍ରାର୍ଥୀଙ୍କ ପାଇଁ କରିବେ ଭୋଟ ଭିକ୍ଷା । ନିର୍ବାଚନୀ ସଭା ଓ ରୋଡ ସୋ ମାଧ୍ୟମରେ ଭୋଟରଙ୍କୁ କରିବେ ଆକୃଷ୍ଟ। ଝିଅ ଦୀପାଲିଙ୍କ ପାଇଁ ବିଜେଡି ସୁପ୍ରିମ ନବୀନ ପଟ୍ଟନାୟକ ପ୍ରଚାର ମଇଦାନକୁ ଓହ୍ଲାଇବା ନେଇ ବିଜେଡି ଶିବିର ଉତ୍ଫୁଲ୍ଲିତ । ନବୀନଙ୍କ ଗସ୍ତ ଭୋଟ ବ୍ୟବଧାନକୁ ଦୁଇଗୁଣତ କରିବ ବୋଲି ଦମ୍ଭୋକ୍ତି ବାଢିଛନ୍ତି ଦଳୀୟ ନେତା ।

କର୍ଣ୍ଣାଟକ ନିର୍ବାଚନ ଥିଲେ ସୁଦ୍ଧା ଝାରସୁଗୁଡ଼ା ଉପନିର୍ବାଚନକୁ ଗୁରୁତ୍ୱ ଦେଇଛି ବିଜେପି । ସେଇ ୭ରେ ପ୍ରଚାର ମଇଦାନକୁ ଓହ୍ଲାଇବେ ୩ କେନ୍ଦ୍ରମନ୍ତ୍ରୀ । ଧର୍ମେନ୍ଦ୍ର ପ୍ରଧାନ, ଅଶ୍ୱିନୀ ବୈଷ୍ଣବ ଓ ବିଶେଶ୍ୱର ଟୁଡୁଙ୍କ ଭଳି ଅନେକ ନେତା ନବୀନଙ୍କୁ ଟକ୍କର ଦେବା ପାଇଁ କରିବେ ମାରାଥନ ପ୍ରଚାର। ପୂର୍ବତନ ମନ୍ତ୍ରୀ ନବ ଦାସଙ୍କ ହତ୍ୟାକୁ ମୁଦା କରି ବିଜେଡିକୁ ଦେବେ ଚେକ୍।  ସଣ୍ଡେରେ ଜମିବ ଝାରସୁଗୁଡ଼ା ଉପନିର୍ବାଚନ ପ୍ରଚାର ମଇଦାନ। ହେବ ହେବିୱଟଙ୍କ ଲଢେଇ।