ଅଫଲାଇନ୍ ଶିକ୍ଷାରୁ ବଞ୍ଚିତ ଆଇଆଇଏମସି ଛାତ୍ରଛାତ୍ରୀ
ଢେଙ୍କାନାଳ (ବଡ଼ ଖବର): ସାରା ଦେଶରେ କରୋନା ତାର କାୟା ବିସ୍ତାର କରିବାରେ ଲାଗିଛି । ଯଦିଓ କରୋନାର ଭୟ ଏଯାଏଁ ଯାଇ ନାହିଁ ତଥାପି କରୋନା ସଂକ୍ରମିତଙ୍କ ସଂଖ୍ୟା ଧିରେଧିରେ କମିବା ପରେ ସମସ୍ତ ଶିକ୍ଷାନୁଷ୍ଠାନମାନ ଖୋଲିଛି । ଏହାମଧ୍ୟରେ ଅନଲାଇନ କ୍ଲାସ ବଦଳରେ ଅଫଲାଇନ କ୍ଲାସ ମଧ୍ୟ ଆରମ୍ଭ ହୋଇଛି ।
ଅନ୍ୟପଟେ ଓଡ଼ିଶାର ଅନେକ ଆଞ୍ଚଳିକ ଏବଂ ଜାତୀୟ ଶିକ୍ଷାନୁଷ୍ଠାନ ମଧ୍ୟ ଖୋଲିସାରିଛି । କିନ୍ତୁ ଆଇଆଇଏମ୍ସି ଛାତ୍ରଛାତ୍ରୀମାନେ ଶିକ୍ଷାନୁଷ୍ଠାନରୁ ସିଧାସଳଖ ଶ୍ରେଣୀଗୃହ ଶିକ୍ଷା ଗ୍ରହଣ କରିବାରୁ ବଞ୍ଚିତ ହେଉଛନ୍ତି । ଏହାର ସମାଧାନ ଦିଗରେ କିଛି ପଦକ୍ଷେପ ଗ୍ରହଣ କରୁନାହାନ୍ତି କି, ଏ ସଂକ୍ରାନ୍ତରେ କିଛି ବି ଆଲୋଚନା କରୁ ନାହାନ୍ତି ।
ତେଣୁ ଛାତ୍ରଛାତ୍ରୀମାନେ ବାଧ୍ୟ ହୋଇ ଶ୍ରେଣୀ ବର୍ଜନ କରିବା ନିଷ୍ପତ୍ତି ନେଇଛନ୍ତି । ୨୦୨୦-୨୧ ଓଡ଼ିଆ ସାମ୍ବ।।ଦିକତା ବିଭାଗର ଛାତ୍ରଛାତ୍ରୀଙ୍କ ଆବେଦନକୁ ଅଣଦେଖା କରାଯାଉଥିବା ଅଭିଯୋଗ କରିଛନ୍ତି ଛାତ୍ରଛାତ୍ରୀ । ଦୀର୍ଘ ୨୪ ଘଣ୍ଟା ବିତିଯାଇଛି ତଥାପି କୌଣସି ପ୍ରତିଉତ୍ତର ମିଳିପାରି ନାହିଁ । ଯେପର୍ଯ୍ୟନ୍ତ ଏହାର ସମାଧାନ ହୋଇନାହିଁ ସେ ପର୍ଯ୍ୟନ୍ତ ଆମେ କୌଣସି କ୍ଲାସରେ ଯୋଗ ଦେବୁ ନାହିଁ ବୋଲି ଛାତ୍ରଛାତ୍ରୀ କହିଛନ୍ତି ।
