ଅଣକୋଭିଡ ରୋଗୀଙ୍କ ପାଇଁ ଖୋଲିବ ଡାକ୍ତରଖାନା
ସମ୍ବଲପୁର(ବଡ଼ ଖବର ବ୍ୟୁରୋ): ୮ମାସ ପରେ ଅଣକୋଭିଡ ରୋଗୀଙ୍କ ପାଇଁ ସ୍ୱାଭାବିକ ଭାବେ କାର୍ୟ୍ୟ କରିବ ସମ୍ବଲପୁର ଜିଲ୍ଲା ମୁଖ୍ୟ ଚିକିତ୍ସାଳୟ । ବର୍ତ୍ତମାନ ଜିଲ୍ଲାରେ କୋଭିଡ ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଇଥିବା ବେଳେ କୋଭିଡ ହସ୍ପିଟାଲ ଭାବରେ କାର୍ୟ୍ୟ କରୁଥିବା ମୁଖ୍ୟ ଚିକିତ୍ସାଳୟକୁ ବନ୍ଦ କରି ସେଠାରେ ପୂର୍ବପରି ଅଣକୋଭିଡ ରୋଗୀଙ୍କ ଚିକିତ୍ସା ଆରମ୍ଭ ହୋଇଛି । ଏହି ନିଷ୍ପତ୍ତିକୁ ସାଧାରଣରେ ପ୍ରଶଂସା କରାଯାଉଛି । ଏଣିକି ଜିଲ୍ଲାର ଅଣକୋଭିଡ ରୋଗୀ ବେଶ ସୁବିଧା ପାଇବେ ଆଶା କରାଯାଉଛି । କରୋନା ହେତୁ ୮ମାସ ଧରି ଏହି ଜିଲ୍ଲା ମୁଖ୍ୟ ଚିକିତ୍ସାଳୟକୁ କୋଭିଡ ହସପିଟାଲ ଭାବେ ବ୍ୟବହାର କରାଯାଉଥିଲା । ଲୋକେ ଏହି ହସ୍ପିଟାଲକୁ ପୂର୍ବପରି ଜିଲ୍ଲା ମୁଖ୍ୟ ଚିକିତ୍ସାଳୟ ଭାବରେ କାର୍ୟ୍ୟ କରିବାକୁ ଦାବି କରିଆସୁଥିଲେ । ସମ୍ବଲପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ସାଧାରଣ ଲୋକଙ୍କୁ ଚିକିତ୍ସା ସେବା ଯୋଗାଇ ଦେବା ନିଷ୍ପତ୍ତି ପରେ ଜିଲ୍ଲାରେ ଅଣକୋଭିଡ ରୋଗୀ ଉପକୃତ ହୋଇପାରିବେ ବୋଲି ଆଶା କରାଯାଉଛି ।
