କୀଟନାଶକ ପିଇ ଜୀବନ ହାରିଦେଲେ CRPF ଯବାନ

ବାଲିଗୁଡା (ବଡ଼ ଖବର ବ୍ୟୁରୋ): ବାଲିଗୁଡ଼ା ଏନଏସି ଅନ୍ତର୍ଗତ ୫ ନଂ ୱାର୍ଡରେ ଅଘଟଣ। ସିଆପିଏଫ ଯବାନ ଅଶୋକ କୁମାର ବେହେରାଙ୍କ ଆତ୍ମହତ୍ୟା । ଦୀର୍ଘଦିନ ହେବ ପାରିବାରିକ ସମସ୍ୟା ପାଇଁ ଘରେ ଏକୁଟିଆ ରହୁଥିଲେ। ପାରିବାରିକ ସମସ୍ୟାକୁ ନେଇ ଯବାନଙ୍କ ସ୍ତ୍ରୀ ଓ ଦୁଇ ଝିଅ ଅନ୍ୟତ୍ର ଭଡ଼ା ଘର ନେଇ ରହୁଥିଲେ। ଦୀର୍ଘଦିନ ଧରି ମାନସିକ ଦୁଶ୍ଚିନ୍ତାରେ ଥିଲେ ଯବାନ। ଘରେ ଏକୁଟିଆ ଥିବା ସମୟରେ କୀଟନାଶକ ଖାଇ ଆତ୍ମହତ୍ୟା କରିଥିବା ଜଣାପଡ଼ିଛି ।

ସୂଚନା ଅନୁଯାୟୀ ଆଜି ସକାଳେ ବାଲିଗୁଡ଼ା ଥାନା ଅଧିକାରୀ ସମୀର କୁମାର ବେହେରା ଉପସ୍ଥିତିରେ ଘର କବାଟ ଭାଙ୍ଗି ମୁର୍ମୂଷୁ ଅବସ୍ଥାରେ ଯବାନଙ୍କୁ ତାଙ୍କ ନିଜ ବାସଭବନରୁ ଗୁରୁତର ଅବସ୍ଥାରେ ଉଦ୍ଧାର କରି ବାଲିଗୁଡ଼ା ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ବର୍ତ୍ତମାନ୍ ସେ ଏକ ମାସ ହେବ ଛୁଟି ନେଇ ବାଲିଗୁଡ଼ା ଆସିଥିଲେ । ଶେଷ ସମୟରେ ଶ୍ରୀନଗରରେ ଡ୍ୟୁଟି କରୁଥଲେ।