ମାଲକାନଗିରି ମୁଖ୍ୟ ଚିକିତ୍ସାଳୟରେ ସିଟି ସ୍କାନ ମେସିନ

ମାଲକାନଗିରି(ବଡ଼ ଖବର ବ୍ୟୁରୋ): ଦୀର୍ଘଦିନର ବ୍ୟବଧାନ ପରେ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ସିଟି ସ୍କାନ ମେସିନର ଉଦଘାଟନ ହୋଇଛି । ଉଦଘାଟନ କରିଛନ୍ତି ନବରଙ୍ଗପୁର ସାଂସଦ ରମେଶ ମାଝି । ପୂର୍ବରୁ ଅଧିକାଂଶ ଲୋକଙ୍କୁ ସିଟିସ୍କାନ ପାଇଁ କେରାପୁଟ କିମ୍ବା ବିଶାଖାପାଟଣା ଯିବାକୁ ପଡୁଥିଲା । କିନ୍ତୁ ମାଲକାନଗିରିରେ ଏହି ମେସିନର ଆରମ୍ଭ ହେବା ଦ୍ୱାରା ପ୍ରାୟ ୧୨ ଲକ୍ଷ ଲୋକ ଏଥିରେ ଉପକୃତ ହେବେ । ଛତିଶଗଡ ଏବଂ ଆନ୍ଧ୍ରପ୍ରଦେଶର ରୋଗୀ ମଧ୍ୟ ଲାଭ ଉଠାଇପାରିବେ । ରାଜ୍ୟ ସରକାରଙ୍କ ଏଭଳି ପଦକ୍ଷେପକୁ ମାଲକାନଗିରି ଜିଲ୍ଳାବାସୀ ସ୍ୱାଗତ କରିଛନ୍ତି । ମାଲକାନଗିରି ମୁଖ୍ୟ ଚିକିତ୍ସାଳୟକୁ ୧କୋଟି ୩୦ଲକ୍ଷ ଟଙ୍କା ବ୍ୟୟରେ ସିଟି ସ୍କାନ ମେସିନ ଦିଆଯାଇଛି ।