କଟକ(ବଡ଼ ଖବର ବ୍ୟୁରୋ): ଫେରାର ହୋଇଥିବା କୁଖ୍ୟାତ ଗ୍ୟାଙ୍ଗଷ୍ଟର ହାଇଦରକୁ ଧରିବା ପାଇଁ ଜାଲ ବିଛାଇଛି ପୋଲିସ। ଆରମ୍ଭ ହୋଇଛି ବଡ଼ ସର୍ଚ୍ଚ ଅପରେସନ। କଟକର ସମସ୍ତ ପଏଣ୍ଟକୁ ସିଲ୍ କରିବା ସହିତ କଟକକୁ ଲାଗି ରହିଥିବା ଜିଲ୍ଲାର ପୋଲିସକୁ ମଧ୍ୟ ଆଲର୍ଟ କରାଯାଇଛି । ଖୁବ୍ ଶୀଘ୍ର ତାକୁ ଧରିବୁ ବୋଲି କହିଛନ୍ତି କଟକ ଡିସିପି ପ୍ରତୀକ ସିଂହ। ତେବେ ହାଇଦରକୁ ଜଗିବା ପାଇଁ ନିୟୋଜିତ ଥିବା ଗାର୍ଡ ଏବେ ଅସୁସ୍ଥ ଅଛନ୍ତି।
ସୂଚନାନୁଯାୟୀ, ଆଜି ସନ୍ଧ୍ୟାରେ କଟକ ବଡ଼ ମେଡିକାଲର ସର୍ଜରୀ ୱାର୍ଡରୁ ଫେରାର ହୋଇଯାଇଛି ହାଇଦର। ସମ୍ବଲପୁର ସର୍କଲ ଜେଲରେ ବନ୍ଦୀ ଜୀବନ ବିତାଉଥିଲା ହାଇଦର। ଅସୁସ୍ଥ ହେବାରୁ ପ୍ରଥମେ ତାକୁ ବୁର୍ଲା ଓ ପରେ କଟକ ବଡ଼ ମେଡିକାଲ ଚିକିତ୍ସା ପାଇଁ ଅଣାଯାଇଥିଲା । ସେଠାରୁ ସେ ଫେରାର ହୋଇଯାଇଛି ।
