ନୂଆଦିଲ୍ଲୀ(ବଡ଼ ଖବର ବ୍ୟୁରୋ):ଦେଶର ଅନ୍ୟତମ ଗଣମାଧ୍ୟମ ଦୈନିକ ଭାସ୍କରରେ ରେଡ଼ କରିଛି ଆୟକର ବିଭାଗ । କର ଚୋରି ଅଭିଯୋଗରେ ଦେଶର ବିଭିନ୍ନ ରାଜ୍ୟରେ ଥିବା ଏହି ଗଣମାଧ୍ୟମ ସଂସ୍ଥା ଅଫିସରେ ରେଡ୍ କରିଛି । ଯେଉଁ ଖବରକୁ ନେଇ ଏବେ ସଂସଦରେ ବି ହୋ ହାଲ୍ଲା ଆରମ୍ଭ ହୋଇଛି । ଏହାକୁ ଅଘୋଷିତ ଜରୁରୀକାଳୀନ ପରିସ୍ଥିତି ବୋଲି ମଧ୍ୟ କହିଛନ୍ତି ବିରୋଧୀ । ତେବେ ଏହି ପ୍ରସଙ୍ଗକୁ ନେଇ କିଛି ସମୟ ପର୍ଯ୍ୟନ୍ତ ସଂସଦକୁ କିଛି ସମୟ ସ୍ଥଗିତ କରାଯାଇଥିଲା । ଗୁରୁବାର ସକାଳୁ ମହାରାଷ୍ଟ୍ର, ଗୁଜୁରାଟ, ରାଜସ୍ଥାନ, ମଧ୍ୟପ୍ରଦେଶ ଏବଂ ଦିଲ୍ଲୀ କାର୍ଯ୍ୟାଳୟରେ ଏହି ରେଡ୍ ହୋଇଛି ।
ତେବେ କରୋନାର ଦ୍ୱିତୀୟ ଲହର ସମୟରେ ଏହି ଗଣମାଧ୍ୟମ ସଂସ୍ଥା ସରକାରଙ୍କ କୋଭିଡ଼ ପରିଚାଳନାକୁ ନେଇ ପ୍ରଶ୍ନ କରିଥିଲା । ତେଣୁ କେନ୍ଦ୍ର ସରକାର ଏପରି କରିଥିବା କଂଗ୍ରେସ ଅଭିଯୋଗ କରିଛି । ଆୟକର ବିଭାଗ ରେଡ୍ କରିବା ବେଳେ ଦୈନିକ ଭାସ୍କରର ମୁଖ୍ୟ ସମ୍ପାଦକ ଏଲପି ପନ୍ତ ଟ୍ୱିଟ୍ କରି ଗୋଟିଏ ଶାୟରୀ ଲେଖିଛନ୍ତି, ‘ ସତ ବଢ଼ୁ କିମ୍ବା କମୁ ସତ୍ୟ ରହିବ ନାହିଁ, ହେଲେ ମିଛର ଅନ୍ତ ନାହିଁ।’ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ସମେତ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ମଧ୍ୟ ଏହି ଘଟଣାକୁ ନିନ୍ଦା କରି ଟ୍ୱିଟ କରିଛନ୍ତି ।
