ଅତାବିରା (ବଡ଼ ଖବର ବ୍ୟୁରୋ): କନେଲରେ ଭାସୁଛି ଅଜଣା ଶବ । ବରଗଡ ଜିଲ୍ଲା ଅତାବିରା ଥାନା ଅଧିନ ଜହ୍ନାପଡା ଶାଖା କେନାଲରେ ଆଜି ସକାଳେ ଜଣେ ଅଜଣା ବ୍ୟକ୍ତିଙ୍କ ଶବ ଭାସୁଥିବା ଘଟଣା ସ୍ଥାନୀୟ ଅଂଚଳରେ ଚାଞ୍ଚଲ୍ୟ ସୃଷ୍ଟି କରିଥିଲା । ଏ ନେଇ ସ୍ଥାନୀୟ ଲୋକେ ଅତାବିରା ପୋଲିସକୁ ଖବର ଦେଇଥିଲେ । ଖବର ପାଇ ଅତାବିରା ଥାନାଅଧିକାରୀ ସୁକୁମାର ତ୍ରିପାଠୀ, ଏସଆଇ ଲଲିତ ନାଗ ଘଟଣାସ୍ଥଳରେ ପହଞ୍ଚିଥିଲେ । ପରେ ଅତାବିରା ଅଗ୍ନିଶମ କର୍ମଚାରୀମାନେ ପହଞ୍ଚି କେନାଲରୁ ଶବକୁ ଉଦ୍ଧାର କରିଛନ୍ତି । ଏଯାଏଁ ମୃତ ବ୍ୟକ୍ତିଙ୍କ ପରିଚୟ ମିଳିପାରିନଥିବା ବେଳେ ମୃତବ୍ୟକ୍ତିଙ୍କ ମୃତ୍ୟୁ କିଭଳି ହେଲା ତାହା ମଧ୍ୟ ସ୍ୱଷ୍ଟ ହୋଇନାହିଁ । ଏନେଇ ଅତାବିରା ଥାନାରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି ପୋଲିସ ।
