ମଦ ହେଲା କାଳ

କାଶୀପୁର ( ବଡ଼ ଖବର ବ୍ୟୁରୋ): ରାୟଗଡ଼ା ଜିଲ୍ଲା କାଶୀପୁର ଥାନା ଲକ୍ଷ୍ମୀବଜାରସ୍ଥିତ ପୋଖରୀ ନିକଟସ୍ଥ ମୁଖ୍ୟ ରାସ୍ତାକଡ଼ରେ ଥିବା ପୋଲ ତଳୁ ଉଦ୍ଧାର ହୋଇଛି ମୃତଦେହ । ମୃତକ ହେଲେ କାଶୀପୁର ଥାନା ଜାମୁଗୁଡ଼ା ସାହିର ସୀତା ମାଝୀ (୫୮ ) । ରବିବାର ବିଳମ୍ବିତ ରାତିରେ ନିଶାସକ୍ତ ଭାବେ ଆସୁଥିଲେ । ଗୋଡ଼ ଖସିଯିବାରୁ ପୋଲ ତଳକୁ ଖସି ପଡ଼ିଥିଲେ । ସ୍ଥାନୀୟ ଲୋକେ ପୋଲିସକୁ ଖବର ଦେବା ପରେ ତାଙ୍କୁ ଉଦ୍ଧାର କରାଯାଇଥିଲା । ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିଛି ।