ଇସ୍ତଫା ଦେବେ ଦିଲ୍ଲୀ ମୁଖ୍ୟମନ୍ତ୍ରୀ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜି ଇସ୍ତଫା ଦେବେ ଦିଲ୍ଲୀ ମୁଖ୍ୟମନ୍ତ୍ରୀ । ୧୧ଟାରେ ବସିବ ବିଧାୟକ ଦଳ ବୈଠକ । ଅପରାହ୍ନରେ ଉପରାଜ୍ୟପାଳଙ୍କୁ ଭେଟିବେ ଅରବିନ୍ଦ କେଜ୍ରିୱାଲ । କିଏ ହେବ ପରବର୍ତ୍ତି ସିଏମ ଆଜି ହୋଇପାରେ ଘୋଷଣା । ତେବେ ଇସ୍ତଫା ଦେବର କିଛି ସପ୍ତାହ ମଧ୍ୟରେ ସେ ରହୁଥିବା ସିଭିଲ୍ ଲାଇନ୍ସ ସ୍ଥିତ ମୁଖ୍ୟମନ୍ତ୍ରୀଙ୍କ ସରକାରୀ ବଙ୍ଗଳା ମଧ୍ୟ ଖାଲି କରିବେ। ଏହି ବଙ୍ଗଳାରେ କେଜ୍ରିଓ୍ୱାଲ ନିଜ ପତ୍ନୀ ସୁନୀତିା କେଜ୍ରିଓ୍ୱାଲ, ଛୁଆ ଓ ବାପା-ମା’ଙ୍କ ସହ ରହୁଛନ୍ତି।
ତେବେ ଇସ୍ତଫା ଦେବା ପରେ ତାଙ୍କୁ ଏହି ବଙ୍ଗଳା ଛାଡ଼ିବାକୁ ହେବ। ଏଥିପାଇଁ ମଧ୍ୟ ପ୍ରକ୍ରିୟା ଆରମ୍ଭ ହୋଇଯାଇଛି। ଇଣ୍ଡିଆନ୍ ଏକ୍ସପ୍ରେସ୍ ରିପୋର୍ଟ ଅନୁଯାୟୀ, ସୂତ୍ରରୁ ପ୍ରକାଶ ଯେ ନୂତନ ମୁଖ୍ୟମନ୍ତ୍ରୀ ଶୀଘ୍ର ସିଭିଲ୍ ଲାଇନ୍ରେ ଥିବା ମୁଖ୍ୟମନ୍ତ୍ରୀ ବାସଭବନକୁ ଆସି ଯାଆନ୍ତୁ ବୋଲି ଦଳ ଚାହୁଁଛି। ଏହି ବଙ୍ଗଳାକୁ ନେଇ ଅନେକ ବିବାଦ ଲାଗି ରହିଥିଲା। ୨୦୨୦-୨୧ରେ ଏହାର ନବୀକରଣରେ ହୋଇଥିବା ଖର୍ଚ୍ଚକୁ ନେଇ ବିଜେପି ପ୍ରଶ୍ନ ଉଠାଇଥିଲା। ଅନିୟମିତତା ଅଭିଯୋଗ ଆଣିଥିଲା।