ଦିଲ୍ଲୀ ସରକାରଙ୍କ ନୂଆ ଗାଇଡ଼ଲାଇନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦିଲ୍ଲୀରେ ନୂଆ ଗାଇଡଲାଇନ ଜାରି କରିଛନ୍ତି କେଜରିଓ୍ୱାଲ୍ । ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାରୁ ଦିଲ୍ଲୀକୁ ଆସୁଥିବା ଲୋକଙ୍କୁ ୧୪ ଦିନ ପାଇଁ କ୍ୱାରାଣ୍ଟାଇନ ବାଧ୍ୟତାମୂଳକ କରାଯାଇଛି । ଏଥିପାଇଁ ସରକାର ଦେୟଯୁକ୍ତ ସଂଗରୋଧର ବ୍ୟବସ୍ଥା କରିଛନ୍ତି । ଯେ କେହି ଆସିଲେ ସଂଗରୋଧର ୧୪ ଦିନ ରହିପାରିବ । ଯେଉଁମାନେ କରୋନା ଟିକାର ୨ଟି ଡୋଜ ନେଇଛନ୍ତି ସେମାନଙ୍କୁ ମଧ୍ୟ ରିପୋର୍ଟ ଦେଖାଇବାକୁ କୁହାଯ।ଇଛି ।

ଏତତବ୍ୟତୀତ ୭୨ ଘଣ୍ଟା ପୂର୍ବରୁ ଆରଟିପିସିଆର ଯାଞ୍ଚ ରିପୋର୍ଟ ଦେଖାଇବାକୁ ପଡିବ । ଯଦି କୌଣସି ବ୍ୟକ୍ତି ନିଜ ଘରେ କ୍ୱାରାଣ୍ଟାଇନରେ ନରହି ପାରନ୍ତି ତେବେ ସେ ସରକାରୀ କ୍ୱାରେଣ୍ଟାଇନ ସେଣ୍ଟରରେ ରହିପାରିବେ । ଆନ୍ଧ୍ର ପ୍ରଦେଶ ଏବଂ ତେଲେଙ୍ଗାନାରୁ ବସ୍, ଟ୍ରେନ, ବିମାନ ଯାତ୍ରା, କାର ଯୋଗେ ଦିଲ୍ଲୀକୁ ଆସୁଥିବା ବ୍ୟକ୍ତିମାନଙ୍କୁ ଏହି ନିୟମ ମାନିବାକୁ ନିର୍ଦ୍ଦେଶ ଦିଆଯାଇଛି ।