‘ବାଇ-ଲ’ ପ୍ରତ୍ୟାହାର ଦାବି ଜୋର ଧରିଲା

ଭୁବନେଶ୍ୱର (ବଡ଼ ଖବର ବ୍ୟୁରୋ): ଲିଙ୍ଗରାଜ ମନ୍ଦିରରେ ‘ବାଇ-ଲ’ ବିବାଦ । ୨୪ଘଣ୍ଟା ଭିତରେ ‘ବାଇ-ଲ’ କୁ ପ୍ରତ୍ୟାହର ନକଲେ ମନ୍ଦିର ଆଗରେ ଦୀପ ଲଗାଇ ପ୍ରତିବାଦ କରିବେ ୪ ନିଯୋଗ ସେବାୟତ । ଏନେଇ ସମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ସେବାୟତ । ସେବାୟତ ଅଭିଯୋଗ କରିଛନ୍ତି କି ଏହି ଆଇନ ମାଧ୍ୟମରେ ଠାକୁରଙ୍କୁ ଭାଗଭାଗ କରିବା ପାଇଁ ଉଦ୍ୟମ କରାଯାଉଛି । ୫୦ ବର୍ଷ ହେବ ଏଏସଆଇ କୋଉଠିଥିଲେ ବୋଲି ସେମାନେ ପ୍ରଶ୍ନ କରିଛନ୍ତି ।

ଏପଟେ କେନ୍ଦ୍ର ସଂସ୍କୃତିମନ୍ତ୍ରୀ ପ୍ରହଲ୍ଲାଦ ସିଂ ଆଜି ସ୍ପଷ୍ଟ କରିଛନ୍ତି କି ଜୀବନ୍ତ ଐତିହ ହୋଇଥିବାରୁ କେବଳ ଶ୍ରୀମନ୍ଦିର ପାଇଁ ଏଏନଏମ ଚିଠା ଅଧିନିୟମକୁ ପ୍ରତ୍ୟାହର କରାଯାଇଛି । ଅନ୍ୟପଟେ ଲିଙ୍ଗରାଜ ମନ୍ଦିର ସହ ଅନନ୍ତବାସୁଦେବ ମନ୍ଦିର, ବ୍ରହ୍ମେଶ୍ୱର ମନ୍ଦିର ପାଇଁ ଏହି ନିୟମ ହଟି ନଥିବା ସ୍ପଷ୍ଟ ହୋଇଛି । ଯାହାକୁ ନେଇ ସେବାୟତଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।