ଆଫଗାନିସ୍ତାନ, ତାଜିକିସ୍ତାନରେ ଭୂକମ୍ପ ଝଟକା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମଙ୍ଗଳବାର ସକାଳେ ମଣିପୁର ସହିତ ଆଫଗାନିସ୍ତାନ ଏବଂ ତାଜିକିସ୍ତାନରେ ଭୂକମ୍ପ ଅନୁଭୂତ ହୋଇଛି । ନ୍ୟାସନାଲ ସେଣ୍ଟର ଫର ସେସମୋଲୋଜି (ଏନସିଏସ୍) ଅନୁଯାୟୀ ମଙ୍ଗଳବାର ସକାଳେ ମଣିପୁରର ନୋନି ଜିଲ୍ଲାରେ ୩.୨ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଛି। ସକାଳ ପ୍ରାୟ ୨:୪୬ ସମୟରେ ଏହି ଭୂକମ୍ପ ଘଟିଥିଲା ଏବଂ ଏହାର ଗଭୀରତା ୨୫ କିଲୋମିଟର ଥିଲା ।

ଏଥି ସହିତ ଆଫଗାନିସ୍ତାନରେ ମଧ୍ୟ ଭୂକମ୍ପ କମ୍ପନ ଅନୁଭୂତ ହୋଇଥିଲା, ରିକ୍ଟର ସ୍କେଲରେ ଯାହାର ତୀବ୍ରତା ୪.୧ ଥିଲା। ତାଜିକିସ୍ତାନରେ ୪.୩ ମ୍ୟାଗ୍ନିଚ୍ୟୁଡର ମଧ୍ୟ ଭୂକମ୍ପ ହୋଇଥିଲା। ଏହି ସମ୍ପର୍କରେ ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ସୂଚନା ଦେଇଛି। ତେବେ ଏପର୍ଯ୍ୟନ୍ତ କୌଣସି ପ୍ରକାରର କ୍ଷୟକ୍ଷତିର ଖବର ଆସିନାହିଁ।