ସିସୋଦିଆଙ୍କ ପରେ ୧୨ ଆପ୍ ବିଧାୟକ ଗିରଫ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଗଣମାଧ୍ୟମ ସମ୍ମିଳନୀରେ ଆମ ଆଦମୀ ପାର୍ଟିର ବିଧାୟକ ସୌରଭ ଭରଦ୍ୱାଜ ଦାବି କରିଛନ୍ତି ଯେ ଦଳର ୮୦ ପ୍ରତିଶତ ନେତାଙ୍କୁ ଗିରଫ କରାଯାଇଛି। ସେ କହିଛନ୍ତି ଯେ ସିସୋଦିଆଙ୍କ ପରେ ଗୋପାଳ ରାୟଙ୍କ ସମେତ ୧୨ରୁ ଅଧିକ ଆମ ଆଦମୀ ପାର୍ଟି ବିଧାୟକଙ୍କୁ ଗିରଫ କରାଯାଇଛି। ସଂଗଠନର ପ୍ରତ୍ୟେକ ଗୁରୁତ୍ୱପୂର୍ଣ୍ଣ ବ୍ୟକ୍ତିଙ୍କୁ କେନ୍ଦ୍ର ସରକାର ଜେଲକୁ ପଠାଇବାର ଯୋଜନା କରିଛନ୍ତି। ୨୪ ଘଣ୍ଟା ବିତିଗଲାଣି, କିନ୍ତୁ କେଉଁ କାରଣରୁ ନେତାମାନଙ୍କୁ ଗିରଫ କରାଯାଇଛି ତାହା ଆମକୁ ଜଣାଯାଇ ନାହିଁ ।

ସେପଟେ ସୁରକ୍ଷା ଦୃଷ୍ଟିରୁ ଆପ କାରର୍ଯ୍ୟାଳୟ ବାହାରେ ସୁରକ୍ଷାକର୍ମୀଙ୍କୁ ମୁତୟନ କରାଯାଇଛି। ଦିଲ୍ଲୀ ଏକ୍ସାଇଜ ପଲିସି ସ୍କାମ ମାମଲାରେ ସିସୋଡିଆଙ୍କୁ ରବିବାର ସିବିଆଇ ଗିରଫ କରିଥିଲା। ଏହାପୂର୍ବରୁ କେନ୍ଦ୍ରୀୟ ଅନୁସନ୍ଧାନ ଏଜେନ୍ସି ଦିଲ୍ଲୀର ସିସୋଦିଆଙ୍କୁ ପ୍ରାୟ ୮ ଘଣ୍ଟା ପ୍ରଶ୍ନ କରିଥିଲା। ତେବେ ପଚରାଉଚରା ବେଳେ ସିସୋଦିଆ ସିବିଆଇର ପ୍ରଶ୍ନର ସଠିକ ଉତ୍ତର ଦେଇପାରି ନ ଥିଲେ।