ବିଜେପିର ବଡ଼ ଦାବି, ସବୁ ରାଜ୍ୟରେ ଗଢିବୁ ସରକାର
https://youtu.be/xrZa5FNuHBc
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ୫ ରାଜ୍ୟର ଏକଜିଟ ପୋଲକୁ ନେଇ ବିଜେପିର ବଡ଼ ଦାବି । ବିଜେପି ସର୍ବୋତ୍ତମ ପ୍ରଦର୍ଶନ କରିବ ଏବଂ ସବୁ ରାଜ୍ୟରେ ବିଜେପି ଜିତିବ ବୋଲି ଦାବି କରିଛି ବିଜେପି । ଗୁରୁବାର ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ଼, ତେଲେଙ୍ଗାନା ଏବଂ ମିଜୋରାମ ରାଜ୍ୟର ଏକଜିଟ ପୋଲ ଆସିଛି । ତେଲଙ୍ଗାନାରେ ବିଆରଏସ୍ କ୍ଷମତାକୁ ଫେରିପାରେ। ସେହିପରି ଛତିଶଗଡ଼ରେ ପୁଣିଥରେ କଂଗ୍ରେସ କ୍ଷମତାକୁ ଫେରିପାରେ ବୋଲି ଏକଜିଟ୍ ପୋଲ କହୁଛି। ଏପରିକି ମଧ୍ୟପ୍ରଦେଶରେ ପୁଣି ଥରେ ବିଜେପି ଏବଂ କଂଗ୍ରେସ ମଧ୍ୟରେ କଡା ଟକ୍କର ଦେଖିବାକୁ ମିଳୁଛି। ହେଲେ ଡିସେମ୍ବର ୩ରେ ୫ଟି ରାଜ୍ୟର ଚୂଡ଼ାନ୍ତ ଫଳାଫଳ ପ୍ରକାଶ ପାଇବ।
ଏକ୍ଜିଟ ସର୍ଭେ ପରେ ଭାରତୀୟ ଜନତା ପାର୍ଟି, ଭାରତୀୟ ଜାତୀୟ କଂଗ୍ରେସ, ଭାରତ ରାଷ୍ଟ୍ର ସମିତି, ସମାଜବାଦୀ ପାର୍ଟି, ବହୁଜନ ସମାଜ ପାର୍ଟି, ଏଆଇଏମଆଇଏମ ଏବଂ ଆମ ଆଦମୀ ପାର୍ଟି ମଧ୍ୟରେ ବାକ୍ ଯୁଦ୍ଧ ଆରମ୍ଭ ହୋଇଛି। ଉତ୍ତର ପ୍ରଦେଶର ଡେପୁଟି ମୁଖ୍ୟମନ୍ତ୍ରୀ ବ୍ରଜେଶ ପଠକ ଏକଜିଟ ପୋଲ ସମ୍ପର୍କରେ ଏକ ବଡ଼ ଦାବି କରିଛନ୍ତି। ସେ କହିଛନ୍ତି ଯେ ରିପୋର୍ଟ ଅନୁଯାୟୀ ବିଜେପି ସର୍ବୋତ୍ତମ ପ୍ରଦର୍ଶନ କରିବ। ସମସ୍ତ ରାଜ୍ୟରେ ବିଜେପି ଜିତୁଛି ଏବଂ ଦକ୍ଷିଣ ରାଜ୍ୟରେ ମଧ୍ୟ ଭଲ ପ୍ରଦର୍ଶନ କରିବ। ଏହି ସମୟରେ କଂଗ୍ରେସ ନେତା ତଥା ରାଜ୍ୟ ସଭା ଏମ୍ପି ପ୍ରମୋଦ ତିୱାରୀ ଦାବି କରିଛନ୍ତି ଯେ, ଚାରିଟି ରାଜ୍ୟରେ ତାଙ୍କ ଦଳର ସରକାର ଗଠନ ହେବାକୁ ଯାଉଛି। ସେ ଅଭିଯୋଗ କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ପ୍ରତିଶ୍ରୁତି ପୂରଣ କରିନାହାନ୍ତି । ଚାରୋଟି ରାଜ୍ୟରେ ଆମେ ସରକାର ଗଠନ କରିବୁ।