ଭୁବନେଶ୍ୱର (ବଡ଼ ଖବର ବ୍ୟୁରୋ): କନ୍ଦାଉଛି ପିଆଜ । ପିଆଜ ଦର ଆକାଶ ଛୁଆଁ । ସଂରକ୍ଷଣ ଓ ବିପଣନ ବ୍ୟବସ୍ଥା ନାହିଁ । ସଂରକ୍ଷଣ ବ୍ୟବସ୍ତା ନଥିବାରୁ କିଲୋ ପିଛା ୫ ଟଙ୍କାରେ ବିକିଥିଲେ ପିଆଜ । ଆଉ ଏବେ ଅଭାବ ସମୟରେ ୬୦ ରୁ ୭୦ ଟଙ୍କାରେ କିଣି ବାକୁ ପଡ଼ୁଛି । ବଜାରରେ ପିଆଜ ଦର ଆକାଶ ଛୁଆଁ ହେବା ପରେ ପିଆଜ ଚାଷୀଙ୍କ ଦୁଃଖ ବଢିବାରେ ଲାଗିଛି । ବଲାଙ୍ଗିରରେ ପ୍ରଚୁର ପିଆଜ ଚାଷ ହୋଇଥାଏ । ଟିଟିଲାଗଡ଼, ତୁରେକେଲା, ବଙ୍ଗୋମୁଣ୍ଡା, ମୁରିବାହାର ଆଦି ଅଂଚଳରେ ପର୍ଯ୍ୟାପ୍ତ ପରିମାଣର ପିଆଜ ଚାଷ ହୋଇଥାଏ । ମାତ୍ର ଦୁର୍ଭାଗ୍ୟ ପିଆଜ ସଂରକ୍ଷଣ ପାଇଁ ଶୀତଳଭଣ୍ଡାର କିମ୍ବା ଉଚିତ ମୂଲ୍ୟରେ ବିକ୍ରି କରିବା ପାଇଁ ସରକାରୀ ସ୍ତରରେ ବ୍ୟବସ୍ଥା ନାହିଁ ।
ଚାଷୀମାନେ ପିଆଜକୁ ଅମଳ ବେଳେ କିଲୋ ପିଛା ୪ ରୁ ୫ ଟଙ୍କାରେ ବିକି୍ର କରିଦେବାକୁ ବାଧ୍ୟ ହେଉଛନ୍ତି । ଉଦ୍ୟାନ କୃଷିବିଭାଗର ସୂଚନା ଅନୁସାରେ ଜିଲ୍ଲାରେ ୩୦୦ ହେକ୍ଟର ଜମିରେ ପିଆଜ ଚାଷ ହେଉଛି । ସେଥିରୁ ୩୦ହଜାର ଟନରୁ ଅଧିକ ପିଆଜ ଉତ୍ପାଦନ ହେଉଛି । ସଂରକ୍ଷଣ ପାଇଁ ନାସିକ ମଡେଲରେ ଟିଟିଲାଗଡ ଅଂଚଳରେ ୪ଟି ପିଆକ ସଂରକ୍ଷଣ ଗୃହ ଖୋଲିଥିଲା । ମୁରିବାହାଲରେ ଥିବା ସଂରକ୍ଷଣ ଗୃହରେ ତାଲା ପଡିଥିବା ବେଳେ ଅନ୍ୟ ୩ଟି କାମ କରୁ ନଥିବା ଜଣାପଡିଛି । ତେଣୁ ବ୍ୟବସାୟୀ ପିଆଜ କିଣି ରାୟପୁରରେ ସଂରକ୍ଷଣ କରୁଛନ୍ତି ଏବଂ ଚଢା ଦରରେ ବିକ୍ରି କରୁଛନ୍ତି ।
