ସଂଯୁକ୍ତ କିଷାନ ମୋର୍ଚ୍ଚା ଆହ୍ବାନ କ୍ରମେ ଗୁଣୁପୁରରେ ଭାରତ ବନ୍ଦ ପାଳନ

ଗୁଣୁପୁର(ବଡ଼ ଖବର ବ୍ୟୁରୋ): କୃଷକ ସଂଗଠନ ଓ ଟ୍ରେଡ୍‌ ୟୁନିୟନର ଭାରତ ବନ୍ଦ ଡାକରା । ସାରା ଭାରତରେ ପୂର୍ବ ଘୋଷଣା ଅନୁଯାୟୀ ଚାଷୀ ଭାରତ ବନ୍ଦ ପାଳନ କରୁଛନ୍ତି । ଦେଶର ବିଭିନ୍ନ କୃଷକ ସଂଗଠନ ପକ୍ଷରୁ ଭାରତ ବନ୍ଦ ପାଳନ କରାଯାଉଛି । ଯାହାର ପ୍ରଭାବ ଓଡିଶାରେ ମଧ୍ୟ ପଡିଛି । ସଂଯୁକ୍ତ କିଷାନ ମୋର୍ଚ୍ଚା ଓ ମିଳିତ ଶ୍ରମିକ ସଂଗଠନ ତରଫରୁ ଦେଶ ବ୍ୟାପୀ ଧର୍ମଘଟ ଓ ହରତାଲକୁ ସମର୍ଥନ କରି ଦକ୍ଷୀଣ ଓଡ଼ିଶା ପାଚିକା ଓ ସହାୟିକା ମହାସଂଘ ତରଫରୁ ଭାରତ ବନ୍ଦ ପାଳନ କରାଯାଇଛି ।

ଯାହାର ପ୍ରଭାବ ଗୁଣୁପୁରରେ ପଡିଛି। ଗୁଣୁପୁରରେ ଯାନ ବାହାନ ଚଳାଚଳ ସଂମ୍ପୂର୍ଣ୍ଣ ବନ୍ଦ ରହିଛି। ଗୁଣୁପୁର ବାଇପାସ୍ ଛକ ଉପରେ ଟାୟାର ଜାଳି ପ୍ରତିବାଦ କରିଛନ୍ତି ସଂଯୁକ୍ତ କିଷାନ ମୋର୍ଚ୍ଚାର ସଦସ୍ୟ ମାନେ । କେନ୍ଦ୍ର ସରକାର ଶ୍ରମିକ ଓ କୃଷକ ବିରୋଧି ନିତିକୁ ବିରୋଧ କରି ଗୁଣୁପୁର କିଷାନ ମୋର୍ଚା ବନ୍ଦ ପାଳନ କରିଛି। କେନ୍ଦ୍ର ବିରୋଧି ସ୍ଲୋଗାନ ଦେଇ ରାସ୍ତା ଉପରେ ଟାୟରା ଜାଳି ପ୍ରତିବାଦ କରାଯାଇଛି।