ପାକିସ୍ତାନକୁ ଘାରିଛି ସର୍ଜିକାଲ ଷ୍ଟ୍ରାଇକର ଭୟ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପ୍ରତିଦିନ ପାକିସ୍ତାନ ସରକାରଙ୍କୁ ସର୍ଜିକାଲ ଷ୍ଟ୍ରାଇକର ଭୟ ଦେଖାଦେଉଛି । ଯାହାକୁ ନେଇ ପାକିସ୍ତାନରେ ହଇଚଇ ସୃଷ୍ଟି ହେଉଛି । ପାକିସ୍ତାନର ବିଦେଶ ମନ୍ତ୍ରୀ ମେହମୁଦ କୁରେଶୀଙ୍କୁ ମଧ୍ୟ ସର୍ଜିକାଲ ଷ୍ଟ୍ରାଇକର ଭୟ ଘାରିଲାଣି । ଦୁବାଇରେ କୁରେଶୀଙ୍କ ଏକ ପ୍ରେସମିଟ୍ ସାମ୍ନାକୁ ଆସିଛି । ସେ କହିଛନ୍ତି, ଭାରତ ପାକିସ୍ତାନ ଉପରେ ଆକ୍ରମଣ କରିବାକୁ ଯୋଜନା ପ୍ରସ୍ତୁତ କରିଛି ।

ଏପରିକି ସର୍ଜିକାଲ ଷ୍ଟ୍ରାଇକ୍ ମଧ୍ୟ କରିବାକୁ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛି । ଏହାର ପ୍ରମାଣ ମଧ୍ୟ ରହିଛି । ଏ ନେଇ ଦେଶର ଗୁଇନ୍ଦା ଅଧିକରୀମାନେ ରିପୋର୍ଟ ଦେଇଛନ୍ତି ବୋଲି ସେ କହିଛନ୍ତି । ସେପଟେ ପ୍ରେସମିଟରେ ନିଜ ସରକାର ବିରୋଧରେ ଚାଲିଥିବା ଅଭିଯାନ ସମ୍ପର୍କରେ କହିଥିଲେ । କୁରେଶୀ କହିଛନ୍ତି, ପାକିସ୍ତାନରେ ଏବେ ଉତ୍ତେଜନାପୂର୍ଣ୍ଣ ମାହୋଲ ରହିଛି । ତେବେ ଗତବର୍ଷ ମଧ୍ୟ କୁରେଶୀ ଏପରି ଅଭିଯୋଗ ଆଣିଥିଲେ, କିନ୍ତୁ ଭାରତ ଏହାକୁ ଖଣ୍ଡନ କରିଦେଇଥିଲା । ସୂଚନାଯୋଗ୍ୟ ୨୦୧୬ରେ ଭାରତୀୟ ସେନା ପିଓକେରେ ପ୍ରବେଶ କରି ସର୍ଜିକାଲ ଷ୍ଟ୍ରାଇକ୍ କରିଥଲେ । ଏହି ଆକ୍ରମଣରେ ଅନେକ ଆତଙ୍କବାଦୀ ନିହତ ହେବା ସହ ଲଂଚ ପ୍ୟାଡ଼ ମଧ୍ୟ ଧ୍ୱଂସ କରିଥିଲେ । ଯାହାକୁ ନେଇ ପାକିସ୍ତାନ ଥରହର ହୋଇଉଠିଥିଲା ।