ଭୁବନେଶ୍ୱର (ବଡ଼ ଖବର ବ୍ୟୁରୋ): ଓଡ଼ିଶାରେ ୧୨ ଦିନ ଲୁଚି ରହିଥିଲା ଗୁଡ୍ଡୁ ମୁସଲିମ । ଏପ୍ରିଲ ୨ରୁ ୧୩ ପର୍ୟ୍ୟନ୍ତ ଥିବା ନେଇ ରିପୋର୍ଟ ପ୍ରକାଶ ପାଇଛି । ଗୁଡ୍ଡୁ ମୁସଲିମର ଅବସ୍ଥାନ ନେଇ ଜାତୀୟ ଗଣମାଧ୍ୟମରେ ପ୍ରଥମେ ଖବର ପ୍ରକାଶ ପାଇଥିଲା । ଏପ୍ରିଲ ୨ରୁ ୧୩ ପର୍ୟ୍ୟନ୍ତ ବରଗଡ଼ରେ ରହିଥିବା ଖବର ପ୍ରକାଶ ପାଇଛି । ବରଗଡ଼ରୁ ଗୁଡ୍ଡୁ ଛତିଶଗଡ଼ ପଳାଇଥିବା ସୂଚନା ମିଳିଛି । ମିରଟ, ଆଜମେର, ଝାନସୀ, ନାସିକ, ପୁଣେ ପରେ ବରଗଡ଼ ଆସିଥିଲା ଗୁଡ୍ଡୁ । ଗୁଡ୍ଡୁର ପ୍ରମୁଖ ସହଯୋଗୀ ରାଜା ଖାନକୁ ଏସଟିଏଫ ଜେରା କରିଥିବା ସୂଚନା ମିଳିଛି । ପ୍ରଥମେ ପୁରୀ ପରେ ବରଗଡ ଆସିଥିଲା ଗୁଡ୍ଡୁ ମୁସଲିମ । ଗୁଡ୍ଡୁକୁ ନେଇ ପୋଲିସ ଡିଜିଙ୍କ କ୍ୟାମ୍ପ ଅଫିସରେ ବଛା ବଛା ଅଫିସରଙ୍କୁ ନେଇ ବୈଠକ ହୋଇଛି । ଏଡିଜି ଆଇନଶୃଙ୍ଖଳା, ଏଡିଜି ଓଡ଼ିଶା ସ୍ପେଶାଲ୍ ଆର୍ମଡ ପୋଲିସ, ପୋଲିସ କମିଶନରଙ୍କ ସହ ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଛନ୍ତି ପୋଲିସ ଡିଜି ।
