ଗୋଟିଏ ଗାଁରେ ୩୭କରୋନା ଆକ୍ରାନ୍ତ ମୃତ

ଉତ୍ତରପ୍ରଦେଶ(ବଡ଼ ଖବର ବ୍ୟୁରୋ): ଗୋଟିଏ ମାସରେ ଗୋଟିଏ ଗାଁରେ ୩୭ କରୋନା ଆକ୍ରାନ୍ତଙ୍କ ମୃତ୍ୟୁ । ଉତ୍ତରପ୍ରଦେଶର ଭଗପତ ଜିଲ୍ଲା ଲୁମ୍ବ ଗାଁରେ ମାସକ ମଧ୍ୟରେ ୩୭ କରୋନା ସଂକ୍ରମିତଙ୍କ ମୃତ୍ୟୁ ହୋଇଛି । ଏପ୍ରିଲ ୧୮ରୁ ମେ’ ୧୫ ମଧ୍ୟରେ ଏହି ଲୋକଙ୍କ ମୃତ୍ୟୁ ହୋଇଛି । ଜିଲ୍ଲା ପ୍ରଶାସନ ଏହି ଘଟଣାକୁ ଅତି ଗମ୍ଭୀରତାର ସହ ନେଇଛି ।

ଜିଲ୍ଲା ପ୍ରଶାସନ ଏକ କମିଟି ଗଠନ କରି ତଦନ୍ତ ଆରମ୍ଭ କରିଛି । ଛପାରୁଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ମୁଖ୍ୟ ଡାକ୍ତର ରାଜକମଲ ସିଂ କହିଛନ୍ତି, ସମସ୍ତ ମୃତକଙ୍କ ବୟସ ୭୦ରୁ ଅଧିକ । ଏମାନଙ୍କ ମଧ୍ୟରୁ ଅନେକ ଉଚ୍ଚ ରକ୍ତଚାପ, ଡାଇବେଟିସ୍, ହାର୍ଟ ପ୍ରଭୃତି ରୋଗରେ ଆକ୍ରାନ୍ତ ଥିଲେ । ଡାକ୍ତରଖାନା ପକ୍ଷରୁ ଗଠନ କରାଯାଇଥିବା କମିଟିର ସଦସ୍ୟମାନେ ଘରକୁ ଘର ଯାଇ ସବିଶେଷ ତଥ୍ୟ ସଂଗ୍ରହ କରିବେ ।