ମଣିଷ ଭୁଲିଲା ମାନବିକତା

ଭୋଗରାଇ (ବଡ଼ ଖବର ବ୍ୟୁରୋ): ମଣିଷ ଭୁଲିଲା ମାନବିକତା । ନୃଶଂସତାର ସବୁ ସୀମା ଟପିଲା ମଣିଷ । ମଣିଷ ଡଙ୍ଗାରେ ଯାଉଛି ଅଥଚ ଗାଈଟିକୁ ପାଣିରେ ଟାଣି ଟାଣି ନେଇ ଯାଉଛି। ଏପରି ଦୃଶ୍ୟ ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ ଅର୍ନ୍ତଗତ ସୁବର୍ଣ୍ଣରେଖା ପଂନ୍ତେଇ ଫେରିଘାଟରେ । ଗାଈଟିକୁ ଅଣନିଶ୍ବାସୀ କରି ନଦୀରେ ଘୋସାରି ଘୋସାରି ଗୋଟିଏ ପାଖରୁ ଅନ୍ୟ ପାଖକୁ ପାର କରାଯାଉଛି ।

ମଣିଷ ଡଙ୍ଗାରେ ପାର ହେଉଥିବା ବେଳେ ଗାଈଟିକୁ ମଧ୍ୟ ଡଙ୍ଗାରେ ଗୋଟିଏ ପାର୍ଶ୍ବରେ ଟଙ୍ଗାଇ ଅନ୍ୟ ପାର୍ଶ୍ବକୁ ପାରି କରୁଛି ନାଉରୀ । ଗଭୀର ଜଳରେ ନିଜ ଜୀବନକୁ ରକ୍ଷା କରିବା ପାଇଁ ଗାଈଟି ତ୍ରାହି ତ୍ରାହି ଡାକୁଛି । ମାତ୍ର ଡଙ୍ଗାରେ ପାରି ହେଉଥିବା ଯାତ୍ରୀ ଏଦୃଶ୍ୟ ଦେଖି ମଜା ନେଉଛନ୍ତି । ଏଭଳି ପ୍ରତ୍ୟେକ ଦିନ ବାଲିଆପାଳରୁ ଭୋଗରାଇକୁ ଚୋରା ଗୋ ଚାଲାଣ ହଉଛି। ଏନେଇ ଅଭିଯୋଗ ମଧ୍ୟ ହୋଇଥିଲା । ପ୍ରଶାସନର ଚିନ୍ତା ନାହିଁ । ଏଭଳି ନୃଶଂସତାର ଘଟଣାକୁ ତୁରନ୍ତ ପଦକ୍ଷେପ ନେବାକୁ ପ୍ରଶାସନକୁ ଦାବି କରିଛନ୍ତି ବୁଦ୍ଧିଜୀବି।