ଧଳା-ନୀଳ ବଦଳରେ ମିଳିବ ହଣ୍ଟର ଗ୍ରୀନ ଡ୍ରେସକୋଡ
ବାଲେଶ୍ୱର(ବଡ଼ ଖବର ବ୍ୟୁରୋ); ନୂଆଲୋଗ ସହ ନୂଆ ରଙ୍ଗରେ ବୁଟ ସୁଟ ପିନ୍ଧି ସ୍କୁଲ ଯିବେ ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀ । ପୂର୍ବରୁ ଥିବା ଧଳା ନୀଳ ବଦଳରେ ନବମ ଓ ଦଶମ ଛାତ୍ରଛାତ୍ରୀଙ୍କୁ ମିଳିବ ହଣ୍ଟର ଗ୍ରୀନ ଡ୍ରେସକୋର୍ଡ । ପୂର୍ବ ଅପେକ୍ଷା ସ୍କୁଲରେ ବଢିବ ପିଲା ସଂଖ୍ୟା । ଛାତ୍ରଛାତ୍ରୀଙ୍କ ମନରେ ଦେଖାଦେଇଛି ବେଶ ଖୁସି । ଛାତ୍ରଛାତ୍ରୀମାନେ ବେଶ ଖୁସି ଥିବାବେଳେ ଛାତ୍ରଙ୍କ ପାଇଁ ଫୁଲ୍ପ୍ୟାଣ୍ଟ ,ସାର୍ଟ ଏବଂ ଛାତ୍ରୀଙ୍କ ଲାଗି ଚୁଡ଼ିଦାର-ପଞ୍ଜାବୀ ସହ ଜ୍ୟାକେଟ୍ ପୋଷାକ ରହିଛି। ଡ୍ରେସ୍ରେ ଏକ ଲୋଗୋ ‘ଆମେ ଗଢ଼ିବୁ ନୂଆ ଓଡ଼ିଶା’ ରହିବ। ସପ୍ତାହର ୫ ଦିନ ଛାତ୍ରଛାତ୍ରୀ ୟୁନିଫର୍ମ ପିନ୍ଧିବେ। ଶନିବାର ବିଭିନ୍ନ କ୍ଲବର କାର୍ଯ୍ୟକଳାପ ରହିଥିବାରୁ ଛାତ୍ରଛାତ୍ରୀ ଟି- ସାର୍ଟ ଓ ଟ୍ରାକ୍ ପ୍ୟାଣ୍ଟ ପିନ୍ଧି ବିଦ୍ୟାଳୟକୁ ଆସିବେ । ୧୦୦ରୁ ଅଧିକ ଛାତ୍ରଛାତ୍ରୀ ରହିଥିବା ବିଦ୍ୟାଳୟର ପିଲାମାନେ ୪ଟି ରଙ୍ଗ ଏବଂ ଶହେରୁ ଅଧିକ ପିଲା ରହିଥିଲେ ଦୁଇଟି ରଙ୍ଗର ଡ୍ରେସ୍ ପିନ୍ଧିବେ। ଛାତ୍ରଛାତ୍ରୀଙ୍କ ପାଇଁ କଳା ଜୋତା ଓ ଧଳା ମୋଜା ବାଧ୍ୟତାମୂଳକ ହୋଇଛି ।
