ଆଜି ଭାରତ ଓ ଅଷ୍ଟ୍ରେଲିଆ ପ୍ରଥମ ଟି-୨୦ ମ୍ୟାଚ
ମୁମ୍ବାଇ (ବଡ଼ ଖବର ବ୍ୟୁରୋ): ଆଜି ଭାରତ ଓ ଅଷ୍ଟ୍ରେଲିଆ ମଧ୍ୟରେ ପ୍ରଥମ ଟି-୨୦ ମ୍ୟାଚ ଖେଳାଯିବ । ଅପରାହ୍ନ ୧ ଟା ବାଜି ୪୫ ମିନିଟରୁ ଖେଳ ଆରମ୍ଭ ହେବ । ଏହା ଆଗରୁ ଆରମ୍ଭ ହୋଇସାରିଲାଣି ଚର୍ଚ୍ଚା । ଟି -୨୦ ଅଧିନାୟକ ସୂର୍ଯ୍ୟକୁମାର ଯାଦବ ଏକ ନୂଆ ରଣନୀତି ସହ ମଇଦାନକୁ ଓହ୍ଲାଇପାରନ୍ତି । ଏହି ୫ଟିକିଆ ସିରିଜର ପ୍ରଥମ ମ୍ୟାଚ କାନବେରାରେ ଖେଳାଯିବ । ୱାନଡେ ସିରିଜକୁ ଭାରତ ୨-୧ରେ ହାରିଛି । ଏହାର ପ୍ରତିଶୋଧ ନେବାକୁ ଭାରତୀୟ ଖେଳାଳି ଦମଦାର ଭାବରେ ପ୍ରସ୍ତୁତି ଆରମ୍ଭ କରିସାରିଛନ୍ତି ।
ଅଷ୍ଟ୍ରେଲିଆକୁ ତା’ ନିଜ ମାଟିରେ ଟି-୨୦ ସିରିଜରେ ହରାଇବାକୁ ପ୍ରାଣପଣେ ଚେଷ୍ଟା କରିବ । ଦଳକୁ ଫେରିଛନ୍ତି ମେନ୍ ଷ୍ଟ୍ରାଇକ୍ ବୋଲର ଯଶପ୍ରିତ ବୁମ୍ରା । ଆସନ୍ତାବର୍ଷ ଫେବୃଆରୀରେ ଖେଳାଯିବାକୁ ଥିବା ଟି-୨୦ ବିଶ୍ବକପ୍ ପୂର୍ବରୁ ଏହି ସିରିଜ ଉଭୟ ଦଳ ପାଇଁ ବେଶ୍ ଗୁରୁତ୍ବପୂର୍ଣ୍ଣ । ରାଙ୍କିଙ୍ଗରେ ମଧ୍ୟ ଭାରତ ନମ୍ବର ୱାନ୍ ଓ ଅଷ୍ଟ୍ରେଲିଆ ନମ୍ବର ଟୁ’ ରହିଛି । ତେବେ କିଛି ଦିନ ହେବ ସୂର୍ଯ୍ୟକୁମାରଙ୍କ ଫରମ୍ ନଥିବା ବେଳେ ସେ ଫର୍ମରେ ଫେରିପାରନ୍ତି ବୋଲି କୁହାଯାଉଛି । ଅନ୍ୟପଟେ ଦୁଇ ଟିମ୍ ୧୦ ଟି ଟ୍ବେଣ୍ଟି ମ୍ୟାଚ ଭିତରୁ ୮ଟି ରେ ବିଜୟ ହାସିଲ କରିଛନ୍ତି ଓ ଗୋଟିଏରେ ଉଭୟ ଦଳ ପରାଜିତ ହୋଇଛନ୍ତି ।