ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବିଶ୍ୱ ମହାମାରୀ କାରୋନା ବିନାଶ ପାଇଁ ଭାରତ ସମେତ ୨୧୩ ରାଷ୍ଟ୍ର ଦିନରାତି ଏକ କରିଦେଇଥିଲେ । ପ୍ରଥମେ ଭାରତ ଏହି ଅଭିଯାନରେ ସଫଳ ହୋଇଛି । ସମଗ୍ର ଦେଶରେ ଟିକାକରଣ ଅଭିଯାନ ବିଭିନ୍ନ ପର୍ଯ୍ୟାୟରେ ଜାରି ରହିଛି । ଦେଶରେ ୧୩ ଦିନରେ ଟିକା ନେଲେଣି ୩ ନିୟୁତ ଲୋକ । ଟିକାକରଣରେ ଭାରତ ବିଶ୍ୱର ଅଗ୍ରଣୀ ଦେଶ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ କହିଛି ।
୩୦ଲକ୍ଷ ଲୋକଙ୍କୁ ଟିକା ଦେବା ପାଇଁ ଯୁକ୍ତରାଷ୍ଟ୍ର ଆମେରିକା ୧୮ଦିନ ସମୟ ନେଇଛି, ଇସ୍ରାଏଲ ୩୩ ଦିନ ଏବଂ ଇଂଲଣ୍ଡ ୩୬ଦିନ ସମୟ ନେଇଥିବା ସ୍ୱାସ୍ଥ୍ୟ ମନ୍ତ୍ରାଳୟ ରିପୋର୍ଟରୁ ଜଣାପଡିଛି । ବିଶ୍ୱର ବିକାଶୀଳ ଦେଶଗୁଡ଼ିକ ତୁଳନାରେ ଭାରତ ବହୁ ପଛରେ ଟିକାକରଣ ଅଭିଯାନ ଆରମ୍ଭ କରିଥିଲା । ଜନସଚେତନତା ଓ ସରକାରୀ କଳର ତତ୍ପରତା ଯୋଗୁଁ ଟିକାଦାନ ହାର ଦ୍ରୁତ ବେଗରେ ବୃଦ୍ଧି ପାଇଛି । ଜାନୁଆରୀ ୧୬ ତାରିଖରେ ସମଗ୍ର ଦେଶରେ ପ୍ରଥମ ପର୍ଯ୍ୟାୟ ଟିକାକରଣ ଆରମ୍ଭ ହୋଇଥିଲା ।
ଏହି ଦିନ ହିଁ ସମଗ୍ର ଦେଶରେ୨ ଲକ୍ଷ ଲୋକ ଟିକା ନେଇଥିଲେ । ପରେ ଏହା ୫ ଲକ୍ଷକୁ ବୃଦ୍ଧି ପାଇଥିଲା । ଦେଶରେ ୨ଲକ୍ଷରୁ ଅଧିକ ଟିକା ନେଇଥିବା ରାଜ୍ୟ ଗୁଡିକ ହେଲା ମହାରାଷ୍ଟ୍ର, ରାଜସ୍ଥାନ ଓ ଉତ୍ତର ପ୍ରଦେଶ ।
