କର ବା ମର ସ୍ଥିତିରେ ଭାରତ

ଭୁବନେଶ୍ୱର (ବଡ଼ ଖବର ବ୍ୟୁରୋ): ପ୍ରଥମ ଦିନିକିଆ ହାରିବା ପରେ ସଙ୍କଟରେ ଭାରତ । ୩ ମ୍ୟାଚ ବିଶିଷ୍ଟ ଦିନିକିଆ ସିରିଜରେ ଅଷ୍ଟ୍ରେଲିଆ ୧-୦ରେ ଆଗୁଆ ରହିଛି । ରବିବାର ଖେଳାଯିବାକୁ ଥିବା ଦ୍ୱିତୀୟ ମ୍ୟାଚରେ ବିଜୟ ହୋଇ ସିରିଜକୁ ଫେରିବା ଲକ୍ଷ୍ୟରେ ରହିବ ବିରାଟ ବାହିନୀ । ଦଳ ଯଦି ପରାଜୟ ବରଣ କରେ ତେବେ ସିରିଜ ହାତରୁ ଖସିଯିବ ।
ପ୍ରଥମ ମ୍ୟାଚରେ ଭାରତର ବୋଲିଂ ପ୍ରଦର୍ଶନ ଭଲ ନ ଥିଲା । ପାଞ୍ଚ ଜଣ ବୋଲରଙ୍କୁ ନେଇ ମଇଦାନକୁ ଓହ୍ଲାଇଥିବା ବିରାଟ ବାହିନୀ ହାତରେ ବିକଳ୍ପ ବୋଲର ନ ଥିବା ହାରିବାର ମୁଖ୍ୟ କାରଣ ବୋଲି କ୍ରିକେଟ ବିଶେଷଜ୍ଞମାନେ ମତ ଦେଇଛନ୍ତି । ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ବୋଲିଂ ନ କରିବା ଦଳର ବୋଲିଂକୁ ପ୍ରଭାବିତ କରିଥିବା ମଧ୍ୟ ପ୍ରଶଂସକମାନେ ମତ ରଖିଥିବା ଦେଖିବାକୁ ମିଳିଛି ।