୨ ୱିକେଟରେ ମ୍ୟାଚ୍ ଜିତିଲା ଭାରତ
ମୁମ୍ବାଇ (ବଡ଼ ଖବର ବ୍ୟୁରୋ): ଅଷ୍ଟ୍ରେଲିଆ ବିପକ୍ଷ ଟି-୨୦ । ଭାରତର ରୋମାଞ୍ଚକର ବିଜୟ । ୨ ୱିକେଟରେ ମ୍ୟାଚ୍ ଜିତିଲା ଭାରତ । ଗୁରୁବାର ବିଶାଖାପାଟଣାରେ ଖେଳାଯାଇଥିବା ପ୍ରଥମ ଟି୨୦ରେ ଭାରତ ୨ ୱିକେଟରେ ଅଷ୍ଟ୍ରେଲିଆକୁ ପରାସ୍ତ କରିଛି। ସୂର୍ଯ୍ୟକୁମାର ଯାଦବ ଓ ଈଶାନ କିଷନଙ୍କ ଅର୍ଦ୍ଧଶତକ ଆଗରେ ଜୋଶ ଇଙ୍ଗଲିଶଙ୍କ ଶତକ ବେକାର ସାବ୍ୟସ୍ତ ହୋଇଛିା ଏହି ବିଜୟ ଭାରତୀୟ କ୍ରିକେଟପ୍ରେମୀଙ୍କୁ ସାମାନ୍ୟ ଆଶ୍ୱସ୍ତି ଦେଇଛି । ଏଥି ସହତି ଭାରତ ୫ ମ୍ୟାଚ ବିଶିଷ୍ଟ ଟି-୨୦ ଶୃଙ୍ଖଳାରେ ୧-୦ରେ ଆଗୁଆ ରହିଛି। ।
ପ୍ରଥମେ ବ୍ୟାଟିଂ କରି ଭାରତକୁ ୨୦୯ ରନର ଟାର୍ଗେଟ ଦେଇଥିଲା ଅଷ୍ଟ୍ରେଲିଆ । ଭାରତ ତରଫରୁ କ୍ୟାପଟେନ ସୂର୍ଯ୍ୟକୁମାର ଯାଦବ ଓ ଇଶାନ କିଷନ ଧୂଆଁଧାର ବ୍ୟାଟିଂ କରିଥିଲେ । ସୂର୍ଯ୍ୟକୁମାର ୪୨ ବଲରେ ୯ ଚୌକା ଓ ୪ ଛକା ସହାୟତାରେ ୮୦ରନ କରିଥିଲେ । ଇଷାନ ୫ ଛକା ଓ ୨ଟି ଚୌକା ସହାୟତାରେ ୫୮ ରନ କରିଥିଲେ । ସେହିପରି ରିଙ୍କୁ ସିଂ ଅପରାଜିତ ୧୪ ବଲରେ ୨୨ରନ କରିଥିଲେ । ଜୟଶ୍ୱାଲ ୮ଟି ବଲରେ ୨୧ରନ କରି ପାଭିଲିଅନ ଫେରିଥିଲେ ।
ଭାରତ ଟସ ଜିତି ପ୍ରଥମେ ବୋଲିଂ କରିଥିଲା । ଅଷ୍ଟ୍ରେଲିଆ ଆରମ୍ଭରୁ ଦ୍ରୁତ ରନ ସଂଗହ କରିଥିଲା । ଇନିଂସରେ ସେ ୮ଟି ଛକା ଓ ୧୧ଟି ଚୌକା ମାରିଥିଲେ । ସ୍ମିଥ ୪୧ଟି ବଲ ଖେଳି ୫୨ରନ କରିଥିଲେ । ଦଳ ନିର୍ଦ୍ଧାରିତ ୨୦ ଓଭରରେ ୩ ୱିକେଟ ହରାଇ ୨୦୮ ରନ କରିଥିଲା । ଭାରତ ପକ୍ଷରୁ ପ୍ରସିଦ୍ଧ କ୍ରିଷ୍ଣା ଓ ରବି ବିଷ୍ଣୋଇ ଗୋଟିଏ ଲେଖାଏଁ ୱିକେଟ ନେଇଥିଲେ । ଜବାବରେ ଗୋଟିଏ ବଲ ବାକିଥାଇ ବିଜୟ ଲାଭ କରିଥିଲେ ଭାରତ ।