ପ୍ରଧାନମନ୍ତ୍ରୀଙ୍କୁ ଜି-୭ ଶିଖର ସମ୍ମିଳନୀ ପାଇଁ ନିମନ୍ତ୍ରଣ

ନୂଆଦିଲ୍ଲୀ (ବଡ ଖବର ବ୍ୟୁରୋ) : ୫୧ତମ ଜି-୭ ଶିଖର ସମ୍ମିଳନୀ ପାଇଁ ପ୍ରଧାନମନ୍ତ୍ରୀଙ୍କୁ ନରେନ୍ଦ୍ର ମୋଦିଙ୍କୁ ନିମନ୍ତ୍ରଣ କଲେ କାନାଡାର ପ୍ରଧାନମନ୍ତ୍ରୀ ମାର୍କ କାର୍ନି । ଜୁନ୍ ୧୫ରୁ ୧୭ ପର୍ଯ୍ୟନ୍ତ କାନାଡ଼ାର କାନାନାସ୍କିସରେ ଆୟୋଜିତ ହେଉଥିବା ଜି-୭ ସମ୍ମିଳନୀରେ ଉପସ୍ଥିତ ରହିବା ପାଇଁ ଫୋନ୍ କଲ୍ ମାଧ୍ୟମରେ ମୋଦିଙ୍କୁ ନିମନ୍ତ୍ରଣ କରିଛନ୍ତି । ନରେନ୍ଦ୍ର ମୋଦି ମଧ୍ୟ ଏହି ନିମନ୍ତ୍ରଣକୁ ଗ୍ରହଣ କରିଛନ୍ତି । ମୋଦି ତାଙ୍କ ଟ୍ୱିଟରରେ ପୋଷ୍ଟ କରିଛନ୍ତି ଯେ ସେ ମାର୍କିଙ୍କ ଫୋନ୍ କଲ୍ ପାଇଁ ଖୁସି ହୋଇଛନ୍ତି । ନିର୍ବାଚନର ବିଜୟ ପାଇଁ ମାର୍କ କାର୍ନିଙ୍କୁ ଅଭିନନ୍ଦନ ଜଣାଇବା ସହ ମାର୍କ, ଜି-୭ ସମ୍ମିଳନୀରେ ତାଙ୍କୁ ନିମନ୍ତ୍ରଣ କରିଥିବାରୁ ସେ ଧନ୍ୟବାଦ ଜଣାଇଛନ୍ତି ।