ବଙ୍ଗୋମୁଣ୍ଡାକୁ ଜିଲ୍ଲା ମାନ୍ୟତା ଦାବିରେ ରାଜ୍ୟପାଳଙ୍କୁ ଦାବିପତ୍ର

ବଙ୍ଗୋମୁଣ୍ଡା(ବଡ଼ ଖବର ବ୍ୟୁରୋ): ବଙ୍ଗୋମୁଣ୍ଡାକୁ ନୂତନ ଜିଲ୍ଲା ମାନ୍ୟତା ଦାବିରେ ରାଜ୍ୟପାଳଙ୍କୁ ଦାବିପତ୍ର । ବିଡ଼ିଓଙ୍କ ଜରିଆରେ ରାଜ୍ୟପାଳଙ୍କୁ ଦାବିପତ୍ର ପ୍ରଦାନ କରାଯାଇଛି । ଭୌଗଳିକ ଦୃଷ୍ଟିକୋଣରୁ ପାଟଣା ରାଜ୍ୟର ସର୍ଵବୃହତ ୧୫୬ ମୌଜା ଜମିଦାରୀ ଶାସନ ଥିବା ବଙ୍ଗୋମୁଣ୍ଡାକୁ ନୂତନ ଜିଲା ମାନ୍ୟତା ଦାବି କରାଯାଇଛି । ଟିଟିଲାଗଡ ଉପଖଣ୍ଡ,କଣ୍ଟାବାଞ୍ଜି ଏନଏସି, ମୁରିବାହାଲ, ତୁରେକେଲା ବ୍ଲକ ଅଞ୍ଚଳର ମଧ୍ୟ ସ୍ଥଳ ଏବଂ ରାଜୁଡା ଅଞ୍ଚଳର ଜମିଦାରୀ ଶାସନରେ ରହିଥିବା ବଙ୍ଗୋମୁଣ୍ଡାକୁ ଜିଲ୍ଲା ମାନ୍ୟତା ଦିଆଯାଉ ।

ବଙ୍ଗୋମୁଣ୍ଡା ଜମିଦାରୀ ଶେଷ ଉତ୍ତରାଧିକାରିଣୀ ସ୍ୱର୍ଗୀୟ ଚନ୍ଦ୍ର କୁମାରୀ ସିଂ ଭୋଇ ଙ୍କ ମୃତ୍ୟୁ ପରେ ତାଙ୍କ ଅଧିନସ୍ଥ ୧୪୦୦ ଏକର ଜମି ସରକାରୀ ଖାତାକୁ ହସ୍ତାନ୍ତରିତ ହୋଇଛି ।ଯେଉଁଠାରେ ପ୍ରଶାସନିକ କାର୍ଯ୍ୟାଳୟ ହେବା ପାଇଁ ଉପଯୁକ୍ତ ସ୍ଥାନ ବୋଲି ଦାବି କରାଯାଇଛି ।ଏକ ରାଳିରେ ଆବାହକ ସୁଶୀଳ କୁମାର ଜୈନଙ୍କ ନେତୃତ୍ୱରେ ବହୁ ଲୋକ ବ୍ଲକ କାର୍ଯ୍ୟାଳୟ ପହଁଚି ବଙ୍ଗୋମୁଣ୍ଡାକୁ ଜିଲ୍ଲା ମାନ୍ୟତା ଦାବିରେ ରାଜ୍ୟପାଳଙ୍କ ଉଦେ୍ଦଶ୍ୟରେ ବିଡ଼ିଓଙ୍କୁ ଦାବିପତ୍ର ପ୍ରଦାନ କରିଥିଲେ ।