ମମିତାଙ୍କୁ ମାରି ଦେଇ ମାଟି ତଳେ ପୋତିଦେଲେ !

କଳାହାଣ୍ଡି (ବଡ଼ ଖବର ବ୍ୟୁରୋ): ଶିକ୍ଷୟିତ୍ରୀ ନିଖୋଜ ଘଟଣା । ମାଟିତଳୁ ଗଳିତ ମୃତଦେହ ଉଦ୍ଧାର । ମିନି ଷ୍ଟାଡିୟମ ମାଟିତଳୁ ଶବ ଉଦ୍ଧାର ହୋଇଛି । ଚିହ୍ନଟ ପାଇଁ ମମିତାଙ୍କ ପରିବାରକୁ ଡକାଯାଇଛି । ଅର୍ଦ୍ଧଦଗ୍ଧ ଅବସ୍ଥାରେ ଶବ ଉଦ୍ଧାର କରାଯାଇଛି । ସେପଟେ ମମିତାଙ୍କ ବାପା କହିଛନ୍ତି ଯେ ପୋଲିସ ଆମକୁ ଭରସା ଦେଉଥିଲା ଯେ ମମିତା ଜୀବିତ ଅଛି । ସେ ରାୟପୁର ଯାଇଛି ଏବଂ ଆମେ ତାକୁ ଆଣିଦେବୁ । ପୋଲିସର ଏହି ଭରସା ଯୋଗୁଁ ଆମେ କାହା ସାମ୍ନାରେ ମୁହଁ ଖୋଲୁନଥିଲୁ ।

କିନ୍ତୁ ଯେତେବେଳେ ଗୋବିନ୍ଦ ସାହୁ ପୋଲିସ ହେପାଜତରୁ ଫେରାର ହୋଇଗଲା ପୋଲିସ ଉପରୁ ଆମ ଭରସା ଉଠିଗଲା । ଆମେ ନିଶ୍ଚିତ ହେଲୁ ଯେ ଆମ ଝିଅ ସହିତ କିଛି ଅଘଟଣ ହୋଇଛି । ତାକୁ ରେପ୍ ଓ ମର୍ଡର କରାଯାଇଛି । ଆମ ଝିଅ ମମିତାର ଲାପଟପରେ ଗୋବିନ୍ଦ ସାହୁର କିଛି କଳାକାରନାମା ଥିଲା । ଲାଲପଟରେ ଗୋବିନ୍ଦର ଦୁଇଟି ଏପରି ଭିଡିଓ ଥିଲା ଯେଉଁ କାରଣରୁ ଝିଅକୁ ମାରିଦେଲା । ଏହି ହତ୍ୟାକାଣ୍ଡରେ ବଡ ବଡ ଲୋକଙ୍କ ସଂପୃକ୍ତି ରହିଛି । ସ୍ଥାନୀୟ ବିଧାୟକ ତଥା ଗୃହମନ୍ତ୍ରୀଙ୍କ ଚାପରେ ପୋଲିସ ତଦନ୍ତକୁ ବାଟବଣା କରୁଛି । ଏବଂ ତାଙ୍କ ପ୍ରତ୍ୟକ୍ଷ ସହଯୋଗରେ ମମିତାଙ୍କୁ ମାରିଦିଆଯାଇଛି ।