ବଜ୍ରପାତରେ ୨୭ ମୃତ୍ୟୁ, ସହାୟତା ରାଶି ଘୋଷଣା କଲେ ମୋଦି
କୋଲକାତା(ବଡ଼ ଖବର ବ୍ୟୁରୋ): ବଜ୍ରପାତରେ ପଶ୍ଚିମବଙ୍ଗର ୩ଟି ଜିଲ୍ଲାର ୨୭ଜଣଙ୍କ ମୃତ୍ୟୁ । ଗତକାଲି ଅପରାହ୍ନରେ ହଠାତ ମେଘ ଘୋଟାଇ ଆସିବା ସହ ବିଜୁଳି ମାରିଥିଲା । ଯେଉଁକାରଣରୁ ୨୭ଜଣ ପ୍ରାଣ ହରାଇଥିବା ଜଣାପଡ଼ିଛି । ପଶ୍ଚିମବଙ୍ଗ ସରକାର ଦେଇଥିବା ସୂଚନାନୁସାରେ ହୁଗୁଳିରେ ୧୧ଜଣ, ମୁର୍ଶିଦାବାଦରେ ୯ଜଣ, ମେଦିନିପୁରରେ ୪ଜଣ, ବାଙ୍କୁରାରେ ୨ଜଣ, ନାଦିଆରେ ଜଣେ ମୃତ୍ୟୁବରଣ କରିଛନ୍ତି ।
PM @narendramodi has approved an ex-gratia of Rs. 2 lakh each from the PMNRF for the next of kin of those who have lost their lives due to lightning in various parts of West Bengal. Rs. 50,000 would be given to the injured.
— PMO India (@PMOIndia) June 7, 2021
ସେହିପରି ବଜ୍ରପାତରେ ଆହତ ହୋଇ କିଛି ଲୋକ ହସ୍ପିଟାଲରେ ଭର୍ତ୍ତି ହୋଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଜୁଳି ମାଡ଼ରେ ପ୍ରାଣ ହରାଇଥିବା ଲୋକଙ୍କ ପରିବାରବର୍ଗଙ୍କ ପାଇଁ ୨ ଲକ୍ଷ ଟଙ୍କା ଓ ଆହତଙ୍କ ପାଇଁ ୫୦ ହଜାର ଟଙ୍କା ଲେଖାଏ ସହାୟତା ଘୋଷଣା କରିଛନ୍ତି। ପିଏମଏନଆରଏଫ ପାଣ୍ଠିରୁ ଏହି ଅର୍ଥ ପ୍ରଦାନ କରାଯିବ ବୋଲି ପ୍ରଧାନମନ୍ତ୍ରୀଙ୍କ କାର୍ୟ୍ୟାଳୟ ପକ୍ଷରୁ ଟ୍ୱିଟ କରି ସୂଚନା ଦିଆଯାଇଛି।
