ଚିତ୍ରା ଗେଣ୍ଡାଳିଆ ମୃତ
ଭୁବନେଶ୍ୱର (ବଡ଼ ଖବର ବ୍ୟୁରୋ): ନନ୍ଦନକାନନ ପ୍ରାଣୀ ଉଦ୍ୟାନର ବିହଙ୍ଗ ସାରଣୀରେ ରହୁଥିବା ବିରଳ ଚିତ୍ରା ଗେଣ୍ଡାଳିଆର ଶୁକ୍ରବାର ମୃତ୍ୟୁ ହୋଇଛି । ପର୍ୟ୍ୟଟକଙ୍କ ଆକର୍ଷଣର କେନ୍ଦ୍ରବିନ୍ଦୁ ଥିବା ଏହି ଗେଣ୍ଡାଳିଆର କେଉଁ କାରଣରୁ ମୃତ୍ୟୁ ହୋଇଛି ତାହା ସ୍ପଷ୍ଠ ହୋଇନାହିଁ । ବ୍ୟବଚ୍ଛେଦ ରିପୋର୍ଟ ଆସିବା ପରେ ସତ୍ୟାସତ୍ୟ ଜଣାପଡ଼ିବ । ପ୍ରାଣୀ ବିଭାଗର ଅବହେଳାରୁ ମୃତ୍ୟୁ ହୋଇଥିବା ଅଭିଯୋଗ ହେଉଛି ।
ଆଜି ଚିତ୍ରା ଗେଣ୍ଡାଳିଆଟି ଅଚାନକ ଅସୁସ୍ଥ ହୋଇପଡିଥିଲା । ଖୁଆଡ଼ ମଧ୍ୟରେ ଛଟପଟ ହେଉଥିଲା ଗେଣ୍ଡାଳିଆ । ଜନ୍ତୁ ବିଭାଗ ଦାୟିତ୍ୱରେ ଥିବା ରେଞ୍ଜ ଅଫିସରଙ୍କ ଅବହେଳା ଯୋଗୁଁ ପକ୍ଷୀଟି ଛଟପଟ ହୋଇ ମରି ପଡିଥିବା ବିଶେଷ ସୂତ୍ରରୁ ଜଣାପଡିଛି। ଅସୁସ୍ଥ ଅବସ୍ଥାରେ ଯଦି ଉପଯୁକ୍ତ ଚିକିତ୍ସା କରାଯାଇ ଥାନ୍ତା ହୁଏତ ଗେଣ୍ଡାଳିଆଟି ବଞ୍ଚିପାରିଥାଆନ୍ତା ବୋଲି କୁହାଯାଉଛି । ଗେଣ୍ଡାଳିଆର ମୃତ୍ୟୁ ଖବର ପାଇବା ପରେ ପକ୍ଷୀପ୍ରେମୀଙ୍କ ମହଲରେ ଅସନ୍ତୋଷ ଲାଗିରହିଛି । ଏହି ଗେଣ୍ଡାଳିଆଟିର ମୃତ୍ୟୁ ପରେ ଚିତ୍ରା ଗେଣ୍ଡାଳିଆଙ୍କ ସଂଖ୍ୟା ୨୫କୁ ଖସି ଆସିଛି ବୋଲି ସୂଚନା ଦେଇଛନ୍ତି ନନ୍ଦନକାନନ ଉପନିର୍ଦେଶକ ବିମଳ ଆଚାର୍ଯ୍ୟ।