ନୂଆଗାଁ (ବଡ଼ ଖବର ବ୍ୟୁରୋ): ପ୍ରାୟ ୨୮ ଘଣ୍ଟା ଧରି ଝୁଲନ୍ତା ଅବସ୍ଥାରେ ପଡ଼ିରହିଲା ମୃତଦେହ । ପୋଲିସ ଘଟଣା ସ୍ଥଳରେ ପହଞ୍ଚିଥିଲେ ମଧ୍ୟ ଅଧିକ ତଦନ୍ତ ପାଇଁ ସାଇଣ୍ଟିଫିକ୍ ଟିମର ଅପେକ୍ଷାରେ ଝୁଲି ରହିଥିଲା ମୃତଦେହ । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଜିଗିନୀପଡ଼ା ଗାଁରେ । ଉକ୍ତ ଗାଁର ଅରୁଣ ସାହୁଙ୍କ ପତ୍ନୀ ଭାରତୀ ସାହୁ ପାରିବାରିକ କଳହକୁ କେନ୍ଦ୍ରକରି ବେକରେ ରଶି ଲଗାଇ ଆତ୍ମହତ୍ୟା କରିଥିବା କୁହାଯାଉଛି । ଅନ୍ୟପଟେ ଝିଅର ମୃତ୍ୟୁ ଖପର ପାଇଁ ଭାରତୀଙ୍କ ବାପଘର ଲୋକେ ଝିଅର ହତ୍ୟା ଅଭିଯୋଗ ଆଣି ନୂଆଗାଁ ଥାନାର ଦ୍ୱାରସ୍ତ ହୋଇଛନ୍ତି । ନୂଆଗାଁ ଥାନାରେ ଏକ ମାମଲା ରୁଜୁ କରିବା ସହ ସ୍ୱାମୀଙ୍କ ସମେତ ଶାଶୂଶ୍ୱରୁରଙ୍କୁ ଅଟକ ରଖି ପୋଲିସ ପଚରାଉଚରା କରୁଛି ।
