(ବଡ଼ ଖବର): ଆପଣମାନେ ଜାଣିଥିବେ ସାଧାରଣତଃ କଇଁଚି ବ୍ୟବହାର କରି ଚୁଟି କଟାଯାଏ । କିନ୍ତୁ ଆମେ କହୁଛୁ ଭିନ୍ନ ଏକ ଷ୍ଟାଇଲରେ କଟାଯାଉଛି ଚୁଟି । ଯାହା ଆପଣବି ଜାଣି ଚକିତ ହେବେ । ନିଆରା ଉପାୟ । ଚୁଟି କାଟିବା ପାଇଁ ଦରକାର ପଡୁନି କଇଁଚି। ହାତୁଡି, ମାଂସ କଟା ଚାପଡ, ଛୁରୀ, କାଚ ଏବଂ ନିହଣ ସାହାଯ୍ୟରେ କାଟୁଛନ୍ତି ଚୁଟି । କେବଳ ସେତିକି ନୁହେଁ କେଶରେ ନିଆଁ ଲଗାଇ ତାକୁ ଏକ ନୂଆ ଲୁକ୍ ମଧ୍ୟ ଦେଉଛନ୍ତି। ତାଙ୍କର ଏଭଳି ନିଆରା ଚୁଟି କଟା ଷ୍ଟାଇଲକୁ ଦେଖି ତାଙ୍କ ସେଲୁନ୍ରେ ଭିଡ଼ ଜମୁଛି।
ଯାହା ଏବେ ସୋଶିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ବାରିକ ଜଣକ ହେଉଛନ୍ତି ପାକିସ୍ତାନର ଲାହର୍ର ଅଲ୍ଲି ଅବ୍ବାସ। ତାଙ୍କର କିଛି ନିଆରା ପ୍ରତିଭା ଦେଖାଇବା ପାଇଁ ପ୍ରତିଦିନ ସେ ଚୁଟି କଟାରେ ଏକ୍ସପେରିମେଣ୍ଟ କରିଥାନ୍ତି । ଯାହା ଏବେ ଚାରିଆଡ଼େ ଚର୍ଚ୍ଚା ଚାଲିଛି । ସେ ଏମିତ ଚୁଟି କାଟିବା ପାଇଁ ଆଗରୁ ତାଲିମ ନେଇଥିଲେ । ତାଲିମ ପ୍ରାପ୍ତ ପରେ ସେ ଏବେ ବିଭିନ୍ନ ଷ୍ଟାଇଲରେ ଚୁଟି କାଟୁଛନ୍ତି । ଚୁଟି କାଟିବା ପାଇଁ ସେ କାଚ ଖଣ୍ଡକୁ ବ୍ୟବହାର କରନ୍ତି ।
ସେ ଚୁଟିକୁ ନୂଆ ଲୁକ ଦେବା ପାଇଁ ଚୁଟିରେ ନିଆଁ ମଧ୍ୟ ଲଗାନ୍ତି । ଏମିତି କି ମାଂସ କଟା ଚାପଡ଼ ଓ ହାତୁଡ଼ି ମଧ୍ୟ ବ୍ୟବହାର କରନ୍ତି । ତାଙ୍କର ଏଭଳି ଚୁଟି କାଟିବା ଦେଖି ତାଙ୍କ ସେଲୁନରେ ଭିଡ଼ ମଧ୍ୟ ଦେଖିବାକୁ ମିଳୁଛି । ସେପଟେ ଏହାକୁ ନେଇ ଅଲ୍ଲି କୁହନ୍ତି, ଚୁଟି କଟାରେ ନୂଆ ନୂଆ ଟେକନିକ ଆପଣାଇବା ପାଇଁ ତାଙ୍କୁ ବେଶ୍ ଭଲ ଲାଗେ। ଏହା ତାଙ୍କର ଏକ ସଉକ ବୋଲି ସେ କୁହନ୍ତି ।
