ଆଜି ବି ଗୃହରେ ଲାଗି ରହିବ ଅସ୍ଥିରତା

ଭୁବନେଶ୍ୱର (ବଡ଼ ଖବର ବ୍ୟୁରୋ): ଗତକାଲି ଭଳି ଆଜି ବି ଗୃହରେ ଲାଗି ରହିବ ଅସ୍ଥିରତା । ଗୃହ କାର୍ଯ୍ୟ ଆରମ୍ଭରୁ ହେଉ ହେଉ ମଧ୍ୟ ଭାଗରେ ଯାଇ ବିରୋଧୀ କରି ପାରନ୍ତି ହଂଗାମା । SCB ହସ୍ପିଟାଲ ପୋଡ଼ି ସହ ମୃତାହତ ଘଟଣାରେ ମୁଖ୍ୟମନ୍ତ୍ରୀ ଓ ସ୍ୱାସ୍ଥ୍ୟମନ୍ତ୍ରୀଙ୍କ ଇସ୍ତଫା ଦାବି ପ୍ରସଙ୍ଗ ସହ ରାଜ୍ୟସଭାରେ ଘୋଡ଼ା ବ୍ୟାପାରକୁ ବିରୋଧୀ ବିଜେଡି – କଂଗ୍ରେସ ଓ କମ୍ୟୁନିଷ୍ଟ ପାର୍ଟି ଶାସକ ଦଳକୁ ଘେରି ପାରନ୍ତି ।

କୃଷି ଓ କୃଷକ ସଶକ୍ତି କରଣ, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ, ମତ୍ସ୍ୟ ଓ ପଶୁସମ୍ପଦ, ସମବାୟ, ଶକ୍ତି , ବୟନ ଶିଳ୍ପ, ହସ୍ତତନ୍ତ ଓ ହସ୍ତଶିଳ୍ପ ଏବଂ ସୂକ୍ଷ୍ମ କ୍ଷୁଦ୍ର ଓ ମଧ୍ୟମ ଉଦ୍ୟୋଗ ବିଭାଗର ରହିଛି ପ୍ରଶ୍ନକାଳ ।ଶୂନ୍ୟକାଳରେ ବି ଇସ୍ତଫା ଦାବି ନେଇ ବିରୋଧୀ ଅଡିଧରି ରହି ପାରନ୍ତି । ମଙ୍ଗଳବାର SCB କୁ ନେଇ ଦେଇଥିବା ମୁଲତବୀ ଉପରେ ହୋଇପାରେ ଚର୍ଚା । ସେପଟେ ଅପରାହ୍ନରେ ପଞ୍ଚାୟତିରାଜ ଓ ପାନୀୟ ଜଳ ବିଭାଗର ରହିଛି ଖର୍ଚ୍ଚ ଦାବି ଆଲୋଚନା।