ଆଜି ମଧ୍ୟ ଗୃହରେ ହେବ ଅଚଳାବସ୍ଥା

ଭୁବନେଶ୍ୱର (ବଡ଼ ଖବର ବ୍ୟୁରୋ): ଜଳୁଛି SCB ଯାଇଛି ଜୀବନ, ବିଧାନସଭାରେ ବଢୁଛି ତାତି। ମୁଖ୍ୟମନ୍ତ୍ରୀ ଓ ସ୍ୱାସ୍ଥ୍ୟମନ୍ତ୍ରୀଙ୍କ ଇସ୍ତଫା ଦାବିରେ ବିରୋଧୀ ଦେଖାଉଛନ୍ତି ଦମ୍। ବିଭିନ୍ନ ପନ୍ଥା ଆପଣାଇ ଗୃହ ଭିତରେ ଏବଂ ବାହାରେ କଂଗ୍ରେସ – ବିଜେଡି ଚଳାଇଛନ୍ତି ପ୍ରତିବାଦ । ଗୃହ କାର୍ଯ୍ୟରେ ଲାଗି ରହିଛି ଅସ୍ଥିରତା। ପ୍ରଶ୍ନକାଳ ଠାରୁ ନେଇ ଖର୍ଚ୍ଚଦାବି ଆଲୋଚନା ହେଉଛି ଅଚଳ ।

ଆଜି ମଧ୍ୟ ସମାନ ପ୍ରସଙ୍ଗରେ ଶାସକ ଦଳକୁ ଘେରି ପାରନ୍ତି ବିରୋଧୀ । ଯୋଜନା ଓ ସଂଯୋଜନା, ଜଳ ସମ୍ପଦ, ଇସ୍ପାତ ଓ ଖଣି, ବାଣିଜ୍ୟ, ପରିବହନ , ସୂଚନା ଓ ଲୋକସମ୍ପର୍କ ଏବଂ ରାଜସ୍ବ ଓ ବିପର୍ଯ୍ୟୟ ପରିଚାଳନା ଭଳି ବିଭାଗର ରହିଛି ପ୍ରଶ୍ନକାଳ । ଶୂନ୍ୟକାଳରେ ବି SCB ଟ୍ରାଜେଡି ଘଟଣାରେ ମୁହାମୁହିଁ ହେବେ ବିରୋଧୀ – ଶାସକ। ଦ୍ଵିତୀୟ ଅଧ୍ୟାୟରେ ଜଳସମ୍ପଦ ବିଭାଗର ୨୦୨୬-୨୭ ଆର୍ଥିକ ବର୍ଷର ଖର୍ଚ୍ଚ ଦାବି ଉପରେ ହେବ ଆଲୋଚନା।