ବୈଠକ ପରେ ନିଆଯିବ ନିଷ୍ପତ୍ତି: ଚିରାଗ ପାସୱାନ

ବିହାର (ବଡ଼ ଖବର ବ୍ୟୁରୋ): ୨୦୨୪ ନିର୍ବାଚନକୁ ନେଇ ସବୁ ଦଳ ଅଣ୍ଟା ଭିଡିଲେଣି । ଶୁଣିବାକୁ ମିଳୁଛି ଯେ ଲୋକଜନ ଶକ୍ତି ପାର୍ଟି ଅଧ୍ୟକ୍ଷ (ରାମବିଳାସ) ଅଧ୍ୟକ୍ଷ ଚିରାଗ ପାସୱାନ ଏନଡିଏରେ ଯୋଗ ଦେବାକୁ ଯାଉଛନ୍ତି । ଯାହାକୁ ନେଇ ପ୍ରତିକ୍ରିୟା ରଖିଛନ୍ତି ଚିରାଗ ପାସୱାନ । କହିଛନ୍ତି ଆହୁରି ୨-୩ଟି ବୈଠକ ପରେ ଏ ସମ୍ପର୍କରେ ନିଷ୍ପତ୍ତି ନିଆଯିବ। କିଛି ସମୟ ପୂର୍ବରୁ ବିହାର ପାଟନାରେ ଥିବା ତାଙ୍କ ଘରେ ବୈଠକ ହୋଇଥିଲା ।

ବୈଠକ ପରେ ଗଣମାଧ୍ୟମକୁ ସେ କହିଛନ୍ତି, ଯେ ଅଗାମୀ ଲୋକ ସଭା ନିର୍ବାଚନକୁ ନେଇ ଯେଉଁ ମେଣ୍ଟ ହେବା କଥା ଏହାର ସମସ୍ତ ଦାୟିତ୍ୱ ଦଳୀୟ ନେତାମାନେ ମୋତେ ଦେଇଦେଇଛନ୍ତି। ଏମିତିକି ଲୋକ ସଭା ନିର୍ବାଚନ ସହ ରାଜ୍ୟରେ ହେବାକୁ ଯାଉଥିବା ନିର୍ବାଚନକୁ ନେଇ ମୋର ନିଷ୍ପତ୍ତି ଉପରେ ସମସ୍ତଙ୍କ ନଜର ରହିଛି। ହେଲେ ସର୍ବସମ୍ମୁଖରେ ଏବେ ମେଣ୍ଟକୁ ନେଇ ଆଲୋଚନା କରିବା ଠିକ ହେବ ନାହିଁ ବୋଲି ସେ କହିଛନ୍ତି।