ଭିଜିଲାନ୍ସ ଜାଲରେ ଇଞ୍ଜିନିୟର

ଯାଜପୁର(ବଡ଼ ଖବର ବ୍ୟୁରୋ) : ଭିଜିଲାନ୍ସ ଜାଲରେ ଧରାପଡିଛନ୍ତି ଯାଜପୁର ଜିଲ୍ଲା ବଡ଼ଚଣା ବିଦ୍ୟୁତ୍ ବିଭାଗର ଜୁନିୟର ଇଞ୍ଜିନିୟର ସ୍ୱାଧୀନ କୁମାର ସାହୁ । ୧୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ସେ ଧରାପଡିଛନ୍ତି । ଚଣ୍ଡିଖୋଲ ନିକଟସ୍ଥ ସୁନଗୁଡ଼ାର ଚିତ୍ତରଞ୍ଜନ ନାୟକଙ୍କ ଘର ନିକଟରେ ଥିବା ୧୧ କେଭି ତାର ସ୍ଥାନାନ୍ତର ପାଇଁ ସେ ଇଞ୍ଜିନିୟର ସାହୁଙ୍କୁ କହିଥିଲେ । ଉଚ୍ଚ ଶକ୍ତିସମ୍ପନ୍ନ ବିଦ୍ୟୁତ୍ ତାର ସ୍ଥାନାନ୍ତର ପାଇଁ ଇଞ୍ଜିନିୟର ସାହୁ ୧୦ ହଜାର ଟଙ୍କା ଦାବି କରିଥିଲେ । ପରେ ଚିତ୍ତରଞ୍ଜନ ଯାଜପୁରରେ ଥିବା ଭିଜିଲାନ୍ସ ବିଭାଗର ଦ୍ୱାରସ୍ଥ ହୋଇଥିଲେ । ପୂର୍ବ ଯୋଜନା ଅନୁସାରେ ଚିତ୍ତରଞ୍ଜନ ୧୦ହଜାର ଟଙ୍କା ଜୁନିୟର ଇଞ୍ଜିନିୟରଙ୍କୁ ତାଙ୍କ କାର୍ଯ୍ୟାଳୟରେ ଦେଇଥିଲେ । ଏହି ସମୟରେ ସେଠାରେ ଲୁଚି ରହିଥିବା ଭିଜିଲାନ୍ସ କର୍ମଚାରୀମାନେ ଇଞ୍ଜିନିୟର ସାହୁଙ୍କୁ କାବୁ କରିବା ସହ ଲାଞ୍ଚ ଟଙ୍କା ଜବତ କରିଥିଲେ ।