ଭୁବନେଶ୍ୱର(ବଡ଼ ଖବର ବ୍ୟୁରୋ): ପାକିସ୍ତାନ ଉପରେ ବର୍ଷିଲେ ଆଫଗାନର ଫେମସ ପପ୍ ଗାୟିକା ଆରିୟାନା ସୟିଦ । ମଙ୍ଗଳବାର ଏକ ଭିଡିଓ ଜାରି କରି ଆରିୟାନା କହିଛନ୍ତି ତାଲିବାନକୁ ଅଧିକ ବଳ ଯୋଗାଉଛି ପାକିସ୍ତାନ । ଆଫଗାନିସ୍ତାନକୁ ନିଜ ଆୟତ୍ତକୁ ନେବାକୁ ତାଲିବାନକୁ ଢାଲ କରୁଛି ପାକିସ୍ତାନ ବୋଲି କହିଛନ୍ତି ପପ୍ ଗାୟିକା । ଆଫଗାନିସ୍ତାନର ଦୁର୍ଦ୍ଦିନରେ ଭାରତର ସହାୟତାକୁ ନେଇ କୃତଜ୍ଞତା ଜଣାଇଛନ୍ତି ଆରିୟାନା ।
ତେବେ ପାକିସ୍ତାନ ସରକାର ତାଲିବାନୀ ଆତଙ୍କବାଦୀଙ୍କୁ ପ୍ରଶିକ୍ଷଣ ଦେଉଥିବା କହିଛନ୍ତି ଆରିୟାନା। ବିଶ୍ୱ ସମୁଦାୟକୁ ଅପିଲ କରି ଆରିୟାନା କହିଛନ୍ତ, ପାକିସ୍ତାନକୁ କୌଣସି ପ୍ରକାର ଆର୍ଥିକ ସହାୟତା ନ ଯୋଗାନ୍ତୁ । କେବଳ ଆଫଗାନିସ୍ତାନ ନୁହେଁ, ସମଗ୍ର ବିଶ୍ୱ ପାଇଁ ତାଲିବାନ ଏକ ସତର୍କ ଘଣ୍ଟି । ତେଣୁ ସବୁ ରାଷ୍ଟ୍ର ଏହାର ସମାଧାନର ସୂତ୍ର ବାହାର କରନ୍ତୁ । ଆରିୟାନା ଆଫଗାନିସ୍ତାନରୁ ଯାଇ ଏବେ ଦୋହାରେ ଆଶ୍ରୟ ନେଇଛନ୍ତି । ଆଗକୁ ମଧ୍ୟ ସଙ୍ଗୀତ ପରିବେଷଣ ଜାରି ରଖିବେ ବୋଲି ସେ କହିଛନ୍ତି ।
