ଭୁବନେଶ୍ୱର(ବଡ଼ ଖବର ବ୍ୟୁରୋ): ଦିନକୁ ଦିନ ହୁ ହୁ ହୋଇ ବଢ଼ିଚାଲିଛି ତୈଳ ଦର । ଗତ ୭ଦିନ ହେଲାଣି ପ୍ରତ୍ୟେକ ଦିନ ପେଟ୍ରୋଲ ଓ ଡିଜେଲ ମହଙ୍ଗା ହେବାରେ ଲାଗିଛି । ଯାହାକି ମଧ୍ୟବିତ୍ତ ଓ ଗରିବ ଶ୍ରେଣୀର ଲୋକଙ୍କ ଉପରେ ଚଡ଼କ ସୃଷ୍ଟି କରିଛି । ତେବେ ଏହାମଧ୍ୟରେ ଆଜି ପୁଣି ବଢ଼ିଛି ତୈଳଦର ।
ଆଜି ପେଟ୍ରୋଲ ଦରରେ ୩୫ପଇସା ବୃଦ୍ଧି ପାଇଛି । ୩୫ପଇସା ବୃଦ୍ଧି ପାଇବା ପରେ ଦିଲ୍ଲୀରେ ପେଟ୍ରୋଲ ଲିଟର ପିଛା ୧୧୦.୦୪ ପଇସା ହୋଇଥିବା ବେଳେ ଡିଜେଲ ୯୮.୪୨ପଇସା ରହିଛି । ତେବେ ସବୁଠାରୁ ବଡ଼ କଥା ହେଉଛି ଏବେ ଭୁବନେଶ୍ୱରରେ ପେଟ୍ରୋଲ ଲିଟର ପିଛା ୧୧୦.୬୯ ଟଙ୍କାରେ ପହଞ୍ଚିଛି । ସେହିପରି ଡିଜେଲ ଦର ମଧ୍ୟ ୧୦୭.୩୯ପଇସା ରହିଛି ।
ମାଲକାନଗିରିରେ ଏବେ ପେଟ୍ରୋଲ ଲିଟର ପିଛା ୧୧୫.୯୦ଟଙ୍କା ଥିବା ବେଳେ ଡିଜେଲ ଲିଟର ପିଛା ୧୧୨.୩୯ଟଙ୍କା ରହିଛି। ସେହିଭଳି ମୁମ୍ବାଇରେ ପେଟ୍ରୋଲ ଲିଟର ପିଛା ୧୧୫.୮୫ଟଙ୍କା, ଚେନ୍ନାଇରେ ପେଟ୍ରୋଲ ଲିଟର ପିଛା୧୦୬.୬୬, କୋଲକାତାରେ ପେଟ୍ରୋଲ ଲିଟର ପିଛା ୧୧୦.୫୦ ଟଙ୍କା ରହିଥିବା ଜଣାପଡ଼ିଛି। ବଢ଼ୁଥିବା ତୈଳ ଦରକୁ ନେଇ ଖାଉଟି ମାନେ ମଧ୍ୟ ଅସନ୍ତୋଷ ଜାହିର କରିଛନ୍ତି । ଶାସକ ବିଜେଡି ଦଳ ରାସ୍ତାକୁ ଆସି ପ୍ରତିବାଦ କରୁଛି ।
