ପ୍ରଦୀପଙ୍କ ନାଁରେ ସଙ୍ଗୀନ ଅଭିଯୋଗ
ବ୍ରହ୍ମପୁର (ବଡ଼ ଖବର ବ୍ୟୁରୋ) : ଗୋପାଳପୁର ବିଧାୟକ ପ୍ରଦୀପ କୁମାର ପାଣିଗ୍ରାହୀଙ୍କ ନାମରେ ଆସିଲା ସଙ୍ଗୀନ ଅଭିଯୋଗ। ସାନଖେମୁଣ୍ଡି ବିଧାୟକ ତଥା ଗଞ୍ଜାମ ଜିଲ୍ଲା କଂଗ୍ରେସ ସଭାପତି ରମେଶ ଜେନା ଆଣିଛନ୍ତି ଏଭଳି ଅଭିଯୋଗ। ୩ଥର ବିଧାୟକ ହେବାପରେ ପ୍ରଦୀପ ପାଣିଗ୍ରାହୀ ଅନେକ ଦୁର୍ନୀତି କରିଛନ୍ତି। ଜମି ହଡ଼ପ ଠାରୁ ଆରମ୍ଭକରି ଚାକିରି ଦେବା ନାଁ ରେ କୋଟିକୋଟି ଟଙ୍କା ଠକେଇ କରି ନିଜକୁ ନିର୍ଦ୍ଦୋଷ ବୋଲି କହୁଛନ୍ତି । ବିଳମ୍ବରେ ହେଲେ ମଧ୍ୟ ମୁଖ୍ୟମନ୍ତ୍ରୀ ଠିକ ନିଷ୍ପତି ନେଇଛନ୍ତି । ଏଭଳି ନିଷ୍ପତି ଆଗରୁ ନେବାର ଥିଲା ବୋଲି କହିଛନ୍ତି କଂଗ୍ରେସ ସଭାପତି ରମେଶ ଜେନା । ତେବେ ଦଳରେ ଆହୁରି ଦୁର୍ନୀତି ଗ୍ରସ୍ତ ନେତା ଅଛନ୍ତି ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କଲେ ମୁଖ୍ୟମନ୍ତ୍ରୀଙ୍କ ସ୍ୱଚ୍ଛ ଭାବମୂର୍ତ୍ତି ଜଣା ପଡ଼ିବ ବୋଲି ସେ କହିଛନ୍ତି ।