ଏସି ଟନେଲକୁ ନେଇ ବିବାଦ

ପୁରୀ (ବଡ଼ ଖବର ବ୍ୟୁରୋ): କ୍ୟାବିନେଟ ନିଷ୍ପତ୍ତି କାର୍ଯ୍ୟକାରୀ ପାଇଁ ତରତର, କିନ୍ତୁ ହାଇକୋର୍ଟଙ୍କ ନିର୍ଦ୍ଦେଶକୁ କରୁଛନ୍ତି ବେଖାତିର୍ । ବଡଦାଣ୍ଡରେ ଭକ୍ତଙ୍କୁ ଅତ୍ୟାଧୁନିକ ସୁବିଧା ଯୋଗାଇବା ପାଇଁ ସବୁ ନିୟମକାନୁନକୁ ପାଦରେ ଦଳିମକଚି ଦେଇଛନ୍ତି ସରକାର ଓ ଜିଲ୍ଲା ପ୍ରଶାସନ। ମରଚିକୋଟ ଛକରେ ଥିବା ଧର୍ମଜ୍ୟୋତି ଲଜିଂ ଠାରୁ ସ୍ୱତନ୍ତ୍ର ଶୀତତାପ ନିୟନ୍ତ୍ରିତ ଟନେଲରେ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟ ପର୍ଯ୍ୟନ୍ତ ଭକ୍ତଙ୍କ ସୁବିଧା ଦର୍ଶନ ପାଇଁ ପ୍ରଶାସନ ଆରମ୍ଭ କରିଛି ପ୍ରୟାସ ।

ଯାହାକି ଜାତୀୟ ରାଜପଥ ପ୍ରାଧୀକରଣ ନିୟମର ଓ ଏଏସଆଇ ନିୟମର ଖୋଲାଖୋଲି ଉଲଙ୍ଘନ ହୋଇଛି ବୋଲି ଅଭିଯୋଗ ହୋଇଛି। ସେପଟେ ଭକ୍ତଙ୍କ ସୁବିଧା ଦର୍ଶନକୁ ସେବାୟତ ମହଲରେ ସ୍ୱାଗତ କରାଯାଇଥିବା ବେଳେ ସବୁକିଛି ନିୟମ ମୁତାବକ ହେଉ ବୋଲି ଦାବି ହୋଇଛି। ଅନ୍ୟପଟେ ସ୍ୱତନ୍ତ୍ର ଟନେଲ୍ ବ୍ୟବସ୍ଥା ହେଲେ ଚାରିଦୁଆର କେବେ ବି ଖୋଲିବନି ବୋଲି ମତ ପ୍ରକାଶ ପାଇଛି।