କଲମପୁର (ବଡ଼ ଖବର ବ୍ୟୁରୋ): ବନ୍ଧୁକ ମୁନରେ ଲୁଟିନେଲେ ୧ଲକ୍ଷ ୭୨ ହଜାର ଟଙ୍କା ସହ ସାଢେ଼ ତିନି ତୋଳା ସୁନା ଓ ମୋବାଇଲ। କଳାହାଣ୍ଡି ଜିଲ୍ଲା ଜୟପାଟଣା ଥାନା ସାଗଯୋର ଗାଁ ରେ ବିଳମ୍ବିତ ରାତିରେ ଚାରି ଜଣ ଦୁର୍ବୁତ୍ତ ବନ୍ଧୁକ ମୁନରେ ଲକ୍ଷାଧିକ ଟଙ୍କା ସହ ସୁନା ଗହଣା ଲୁଟି ନେଇଥିବା ଜୟପାଟଣା ଥାନାରେ ଅଭିଯୋଗ ହୋଇଛି।
ସୂଚନା ଅନୁଯାୟୀ ଗୁରୁବାର ବିଳମ୍ବିତ ରାତିରେ ସାଗଯୋର ଗାଁର ଜୟନ୍ତ ଠାକୁରଙ୍କ ଘରେ ପଶି ୪ ଜଣ ଦୁର୍ବୃତ୍ତ ବନ୍ଧୁକ ମୁନରେ ଘରେ ଥିବା ୧ ଲକ୍ଷ ୭୨ହଜାର ଟଙ୍କା, ସାଢେ ତିନି ତୋଳା ସୁନା ଗହଣା ଓ ଗୋଟିଏ ମୋବାଇଲ ଲୁଟି ନେଇଛନ୍ତି । ଜୟପାଟଣା ଥାନା ଅଧିକାରୀ ଘଟଣା ସ୍ଥଳରେ ତଦନ୍ତ ଆରମ୍ଭ କରିଛନ୍ତି ।
