ତାତିଲେ ଉଠା ଦୋକାନୀ
ସମ୍ବଲପୁର (ବଡ଼ ଖବର ବ୍ୟୁରୋ): ଉଠା ଦୋକାନୀଙ୍କ ଉପରେ ଦାଉ ସାଜିଛି ସମ୍ବଲପୁର ମହାନଗର ନିଗମ । ସହରର ବିଭିନ୍ନ ସ୍ଥାନରେ ଦୋକାନ ଲଗାଇଥିବା ଦୋକାନୀଙ୍କୁ ବାରମ୍ବାର ସ୍ଥାନାନ୍ତରିତ କରାଯାଉଛି । ବାରମ୍ବାର ସ୍ଥାନାନ୍ତର ହେବା ଯୋଗୁଁ ବେପାର ମାନ୍ଦା ହେବା ସହ ବେପାରୀମାନେ ଦୁର୍ଦ୍ଦିନରେ ଗତି କରୁଛନ୍ତି । ଏହାର ପ୍ରତିବାଦରେ ସମ୍ବଲପୁର ମହାନଗର ନିଗମ କାର୍ଯ୍ୟାଳୟ ଘେରିଛନ୍ତି ଉଠା ଦୋକାନୀ ।
ସମ୍ବଲପୁର ମହାନଗର ନିଗମ ଆଗରେ ଉଠାଦୋକାନୀମାନେ ପ୍ରତିବାଦ କରିଛନ୍ତି । ସ୍ଥାୟୀ ଭେଣ୍ଡିଂ ଜୋନ ଦେବାରେ ସକ୍ଷମ ହୋଇ ନ ଥିବା ମହାନଗର ନିଗମ ବାରମ୍ବାର ସ୍ଥାନାନ୍ତରକୁ ସାଧାରଣରେ ମଧ୍ୟ ନିନ୍ଦାଯାଇଛି । ଗୋଲ ବଜାରରେ ଥିବା ଉଠା ବେପାରୀଙ୍କୁ ସ୍ଥାନାନ୍ତରିତ କରାଯାଇଛି । ଉଠାଦୋକାନୀ ସଂଘ ସହ ଆଲୋଚନା ପରେ ଏକ କମିଟି ଗଠନ କରାଯାଇ ବିକଳ୍ପ ବ୍ୟବସ୍ଥା କରାଯିବ ବୋଲି କମିସନର କହିଛନ୍ତି ।
