ସୁରକ୍ଷାକର୍ମୀ-ଆତଙ୍କବାଦୀ ଗୁଳିବିନିମୟ, ଜଣେ ମୃତ
ଜମ୍ମୁକାଶ୍ମୀର (ବଡ଼ ଖବର ବ୍ୟୁରୋ): ସୁରକ୍ଷାକର୍ମୀ ଓ ଆତଙ୍କବାଦୀ ମୁହାଁମୁହିଁ । ଜଣେ ଆତଙ୍କବାଦୀ ନିହତ । ଜମ୍ମୁ-କାଶ୍ମୀରର ପୁଲଓ୍ୱାମା କାକାପୋରାରେ ମୁହାଁମୁହିଁ ହୋଇଛନ୍ତି ସୁରକ୍ଷାକର୍ମୀ ଓ ଆତଙ୍କବାଦୀ । ୩ ଆତଙ୍କବାଦୀଙ୍କୁ ଯବାନମାନେ ଘେରି ରହିଛନ୍ତି। ଜଣେ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି । ଏବେ ମଧ୍ୟ ଉଭୟ ପକ୍ଷ ମଧ୍ୟରେ ଗୁଳି ବିନିମୟ ଜାରି ରହିଛି । ସ୍ଥାନୀୟ ବାସିନ୍ଦାଙ୍କୁ ଘରେ କବାଟ ଓ ଝରକା ବନ୍ଦକରି ରହିବାକୁ ଅପିଲ କରାଯାଇଛି ।
ଏପରିକି ପୁଲଓ୍ୱାମାରେ ଇଣ୍ଟରନେଟ ସେବା ବନ୍ଦ କରିଦିଆଯାଇଛି । ଗୁଇନ୍ଦା ରିପୋର୍ଟ ଅନୁସାରେ, ୩ ରୁ ୪ ଆତଙ୍କବାଦୀ ଲୁଚି ରହିଛନ୍ତି। ପରେ ସୁରକ୍ଷାକର୍ମୀ କାକାପୋରା ଗ୍ରାମରେ ସର୍ଚ୍ଚ ଅପରେସନ ଆରମ୍ଭ କରିଥିଲେ । ନିଜକୁ ବିପଦରେ ଦେଖି ପ୍ରଥମେ ଆତଙ୍କବାଦୀମାନେ ଯବାନଙ୍କ ଉପରକୁ ଗୁଳିମାଡ କରିଥିଲେଫ ଯବାନମାନେ ମଧ୍ୟ ପାଲଟା ଜବାବ ଦେଇଥିଲେ । ଜଣେ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି । ଆତଙ୍କବାଦୀଙ୍କ ପାଖରେ ମଧ୍ୟ ବିପୁଳ ଗୁଳିଗୋଳା ଥିବା କୁହାଯାଉଛି । ଆତଙ୍କବାଦୀମାନେ ୫୦କେଜି ଆରଡିଏକ୍ସ ବିରକ ଶ୍ରୀନଗର ପହଁଚାଇବାକୁ ଯୋଜନା କରୁଥିବା ସୂଚନା ମିଳିଛି ।