କର୍ଣ୍ଣାଟକରୁ ରାଜ୍ୟସଭା ଯିବେ ସୋନିଆ ଗାନ୍ଧୀ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ରାଜ୍ୟସଭାକୁ ଯାଇପାରନ୍ତି ସୋନିଆ ଗାନ୍ଧୀ । ଲୋକସଭା ସଦସ୍ୟା ଥିବା କଂଗ୍ରେସ ଅଧକ୍ଷ୍ୟା ସୋନିଆ ଗାନ୍ଧୀ ଆଗକୁ ପ୍ରତ୍ୟକ୍ଷ ନିର୍ବାଚନ ନ ଲଢ଼ି ରାଜ୍ୟସଭାକୁ ଯାଇପାରନ୍ତି । ସୋନିଆ ଯଦି କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ଅନୁରୋଧ ରକ୍ଷା କରନ୍ତି, ତେବେ ଏହା ସମ୍ଭବ ହେବ ।
ବର୍ତ୍ତମାନର ବାସଭବନ ୧୦-ଜନପଥରେ ରହିବା ପାଇଁ ହେଲେ ସୋନିଆଙ୍କୁ ସଂସଦର ସଦସ୍ୟ ପଦ ବଜାୟ ରଖିବାକୁ ହେବ । ସେ ଦୃଷ୍ଟିରୁ ଅସୁସ୍ଥ ସୋନିଆଙ୍କ ପାଇଁ ରାଜ୍ୟସଭା ସଦସ୍ୟପଦ ସୁରକ୍ଷିତ ବୋଲି ବିଚାର କରାଯାଉଛି । ରାଜୀବ ଗାନ୍ଧୀ ଲୋକସଭାରେ ବିରୋଧୀ ଦଳ ନେତା ହେବା ସମୟରୁ, ୧୯୮୯ରୁ ସୋନିଆ ଏଠାରେ ବାସ କରିଆସୁଛନ୍ତି । ଗାନ୍ଧୀ-ନେହେରୁ ପରିବାର ସଦସ୍ୟ ପାରମ୍ପରିକ ଭାବେ ୧୦-ଜନପଥରେ ରହିଆସୁଛନ୍ତି । ୨୦୨୪ ଏପ୍ରିଲ ୨ ସୁଦ୍ଧା କର୍ଣ୍ଣାଟକର ୪ ରାଜ୍ୟସଭା ଆସନ ପାଇଁ ନିର୍ବାଚନ ହେବ ।
