ଇମ୍ରାନଙ୍କ ଘରେ ଆତଙ୍କବାଦୀ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କ ସମସ୍ୟା ବଢିବାରେ ଲାଗିଛି। ଇମ୍ରାନଙ୍କ ଲାହୋର ସ୍ଥିତ ବାସଭବନରେ ବାହାର ପୋଲିସ ବୁଧବାରଠାରୁ ଡେରା ପକାଇଛି। ପୋଲିସ ତାଙ୍କୁ ଯେ କୌଣସି ମୁହୂର୍ତ୍ତରେ ଗିରଫ କରିପାରେ। ପାକିସ୍ତାନ ସରକାର ଦାବି କରିଛନ୍ତି ଇମ୍ରାନଙ୍କ ଘରେ ୩୦ରୁ ୪୦ ଆତଙ୍କବ।ଦୀ ଲୁଚି ରହିଛନ୍ତି । ତେବେ ୨୪ ଘଂଟା ମଧ୍ୟରେ ଆତଙ୍କବାଦୀମାନେ ପୁଲିସଙ୍କ ନିକଟରେ ସମର୍ପଣ କରନ୍ତୁ ବୋଲି ପାକିସ୍ତାନ ସୂଚନା ପ୍ରସାରଣ ମନ୍ତ୍ରୀ ଆମୀର ମୀର ଚେତାବନୀ ଦେଇଛନ୍ତି ।
ପାକିସ୍ତାନର ପୁଲିସର ଅପରେସନ ଜମାନ ପାର୍କକୁ ପାକ ସରକାରଙ୍କ ଷଡଯନ୍ତ୍ର ବୋଲି କହିଛନ୍ତି ଇମ୍ରାନ ଖାନ । ମିଛ ମାମଲାରେ ଫଶାଇବାକୁ ପାକିସ୍ତାନ ସରକାର ଓ ସେନା ମିଳିତ ଯୋଜନା କରୁଥିବା ଏକ ଭିଡିଓ ଜାରି କରି ଇମ୍ରାନ କହିଛନ୍ତି । ଇମ୍ରାନଙ୍କ ଉପରେ ଆର୍ମି ଆକ୍ଟରେ ମାମଲା ରୁଜୁ ହୋଇଛି । ତେବେ ସେନା ତାଙ୍କୁ ଦେଶ ଛାଡି ଯିବା ପାଇଁ ଅଫର ଦେଇଥିବା ଚର୍ଚ୍ଚା ହେଉଛି ।
ଦେଶ ଛାଡି ଚାଲିଗଲେ ତ ଇମ୍ରାନଙ୍କ ଉପରେ କୌଣସି କାର୍ୟ୍ୟାନୁଷ୍ଟାନ ଗ୍ରହଣ କରାଯିବନି ବୋଲି ସେନା କହିଛି । ତେବେ ଇମ୍ରାନ ଏହି ଅଫର ପ୍ରତ୍ୟାଖାନ କରିଥିବା ଦାବି ହେଉଛି । ସେପଟେ ପାକିସ୍ତାନର ସ୍ଥାନୀୟ ଗଣମାଧ୍ୟମ କହିଛି ଜମା ପାର୍କ ଆଡକୁ ଯାଉଥିବା ସମସ୍ତ ରାସ୍ତାକୁ ବନ୍ଦ କରି ଦିଆଯାଇଛି। ଏହାସହ ଉକ୍ତ ଅଞ୍ଚଳରେ ବହୁ ପରିମାଣରେ ପୋଲିସ ମୁତୟନ କରାଯାଇଛି।